కన్నుగీటీ ఓవర్‌నైట్‌లో సెలెబ్రిటీగా మారిపోయిన మలయాళ ముద్దుగుమ్మ ప్రియా ప్రకాష్ వారియర్.. తెలుగులో ఓ సినిమాలో నటించనుంది. బాలీవుడ్‌లోనూ అమ్మడుకు మంచి అవకాశాలు వెతుక్కుంటూ వస్తున్నాయి. తాజాగా ఆమె నటించిన ఒరు అడార్ లవ్ సినిమా ప్రేమికుల రోజున పురస్కరించుకుని ఫిబ్రవరి 14వ తేదీన విడుదల చేసేందుకు రంగం సిద్ధం చేస్తున్నారు.
ప్రస్తుతం ఈ సినిమాను ''లవర్స్ డే'' పేరిట తెలుగులో డబ్ చేసి విడుదల చేస్తున్నారు. ఇప్పటికే ఈ సినిమా రైట్స్‌ను నిర్మాతలు గురురాజ్, వినోద్ రెడ్డి దక్కించుకున్నారు. ఈ సినిమా తెలుగు రైట్స్ కోసం చాలా మంది ప్రయత్నించారని, ఫైనల్‌గా తమకు దక్కాయని నిర్మాతలు చెప్పారు. ఇక తెలుగులో కూడా ఫిబ్రవరి 14న సినిమా విడుదల చేయబోతున్నట్లు ప్రకటించారు.
కాగా కన్నుగీటి ప్రపంచం మొత్తం ఒక్కసారిగా తనవైపు తిరిగి చూసేలా చేసుకున్న ప్రియా ప్రకాష్ వారియర్ ఫ్యాన్స్ ఫాలోయింగ్ గురించి ప్రత్యేకంగా చెప్పాల్సిన అవసరం లేదు. ప్రస్తుతం ఇంటర్నెట్ క్వీన్‌గా పేరున్న ప్రియా ప్రకాష్ వారియర్.. తన ఫోటోలను నెట్టింట షేర్ చేస్తూ వస్తోంది. ఒక్క సినిమా కూడా ఆమెది ఇంకా విడుదల కాకుండానే.. నెట్టింట అమ్మడుకు బ్రహ్మరథం పట్టే ఫాలోయిర్స్ పెరిగిపోతూ వున్నారు.
ఎప్పటికప్పుడు ఇన్‌స్టాగ్రామ్‌లో తన ఫోటోలను షేర్ చేస్తూ.. ఫాలోయిర్స్‌ను పెంచుకునే ఈ ముద్దుగుమ్మ ఇటీవల సెక్సీ ఫోటోలను పోస్టు చేసింది. బాత్ టబ్‌లో, ఇన్నోసెంట్ లుక్‌లో ప్రియా ప్రకాష్ వారియర్ అదరగొట్టేసింది.
ఈ ఫోటోలు కూడా ప్రస్తుతం నెట్టింట వైరల్ అవుతున్నాయి. ఇప్పటికే బాలీవుడ్‌లో ప్రశాంత్‌తో శ్రీదేవి బంగ్లా చిత్రంలో నటించనుంది. సస్పెన్స్ థ్రిల్లర్‌గా ఈ సినిమా తెరకెక్కుతోంది. ఈ సినిమా కోసమే ప్రియా ప్రకాష్ వారియర్ అదిరిపోయే స్టిల్స్‌కు ఫోజిచ్చిందని సినీ జనం అనుకుంటున్నారు.
