ఆద్యంతం ఉత్కంఠ రేకెత్తించే 'శ్రీదేవి బంగ్లా' (టీజర్)

మంగళవారం, 15 జనవరి 2019 (11:26 IST)
మలయాళీ భామ ప్రియా ప్రకాష్ వారియర్ నటిస్తున్న బాలీవుడ్ చిత్రం శ్రీదేవి బంగ్లా. తనదైన స్టైల్‌లో కన్నుగొట్టి.. ఓవర్ నైట్ స్టార్ అయిపోయిన ఈ భామ.. ఇపుడు బాలీవుడ్‌లోకి అడుగుపెట్టనుంది. ఈ నేపథ్యంలో శ్రీదేవి బంగ్లా చిత్రంతో ప్రేక్షకుల ముందుకురానుంది. దీనికి ప్రశాంత్‌ మాంబుల్లి దర్శకత్వం వహిస్తున్న ఈ మూవీ టీజర్ ను చిత్రయూనిట్ విడుదల చేసింది. ప్రియా ప్రకాశ్ స్టార్ హీరోయిన్ పాత్రలో నటిస్తోంది.
 
ఓ చిన్నారి శ్రీదేవి (ప్రియాప్రకాశ్ పాత్ర) దగ్గరకు వచ్చి ఆటోగ్రాఫ్ అడిగే సన్నివేశంతో ట్రైలర్ మొదలవుతుంది. మీకు ఇష్టమైన నటి ఎవరు అని అడగ్గా.. నాకు ఇష్టమైన నటిని నేనే అని శ్రీదేవి చెబుతుంది. చివరగా ఓ బాత్ టబ్‌లో అనుమానాస్పద స్థితిలో కాళ్లు తేలుతూ కనిపించే సన్నివేశం ఆద్యంతం ఉత్కంఠ రేకెత్తిస్తోంది. జీవితం సాఫీగా సాగుతున్న ఆ స్టార్ హీరోయిన్‌కు ఏం జరిగిందో తెలుసుకోవాలంటే సినిమా వచ్చే వరకు ఆగాల్సిందే. 
 

వెబ్దునియా పై చదవండి

తర్వాతి కథనం వరలక్ష్మి వచ్చేస్తోంది.. శరత్ కుమార్ అలా అనేశారేంటి?