'బాహుబలి' ప్రభాస్ ఓ ఇంటివాడుకానున్నాడు. ప్రస్తుతం ఆయన నటిస్తున్న "సాహో" చిత్రం షూటింగ్ తర్వాత పెళ్ళి చేసుకోనున్నాడు. ఇందులోభాగంగా, అమ్మాయి కోసం ఆయన పెదనాన్న, సినీ హీరో కృష్ణంరాజు గాలిస్తున్నారట. ఈ విష
'బాహుబలి' ప్రభాస్ ఓ ఇంటివాడుకానున్నాడు. ప్రస్తుతం ఆయన నటిస్తున్న "సాహో" చిత్రం షూటింగ్ తర్వాత పెళ్ళి చేసుకోనున్నాడు. ఇందులోభాగంగా, అమ్మాయి కోసం ఆయన పెదనాన్న, సినీ హీరో కృష్ణంరాజు గాలిస్తున్నారట. ఈ విషయాన్ని ప్రభాసే స్వయంగా చెప్పాడట.
ప్రభాస్ పెళ్లి విషయమై ఇటీవల ఆయన పెదనాన్న కృష్ణంరాజు ఓ ఇంటర్వ్యూలో స్పందించారు. పెళ్లి చేసుకోమని తాను కూడా ప్రభాస్‌ను బలవంతపెడుతున్నానన్నారు. కానీ ప్రభాస్ మాత్రం త్వరలో చేసుకుంటానని చెప్తూనే ఉన్నాడని చెప్పారు. అలాగని ప్రతిసారి పెళ్లి చేసుకోమని చెప్పడానికి ప్రభాసేమీ చిన్నపిల్లాడు కాదన్నారు.
ఈ వ్యాఖ్యలు ప్రభాస్‌కు బాగా గుచ్చుకున్నట్టు తెలుస్తున్నాయి. దీంతో 'సాహో' చిత్రం విడుదలైన తర్వాత పెళ్లి చేసుకోనున్నట్టు తన సన్నిహితుల వద్ద చెప్పినట్టు సమాచారం. మరోవైపు, తన అభిమానులు కూడా తమ బాహుబలి ఓ ఇంటివాడైతే చూడాలని ఎంతో ముచ్చటపడుతున్న విషయం తెల్సిందే.
కాగా, సాహో చిత్రం సుజిత్‌ ఈ చిత్రానికి దర్శకత్వంలో తెరకెక్కుతోంది. ఇందులో బాలీవుడ్‌ నటి శ్రద్ధా కపూర్ కథానాయికగా నటిస్తున్నారు. ఈ ఏడాది చివర్లో సినిమాను ప్రేక్షకుల ముందుకు తీసుకువచ్చేందుకు సన్నాహాలు చేస్తున్నారు. ఈ సినిమా పూర్తయిన తర్వాత కూడా ఆయన పెళ్లి చేసుకుంటారో… లేక మళ్లి వాయిదా వేస్తారో వేచి చూడాలి.