పవర్ స్టార్ పవన్ కళ్యాణ్ వరుసబెట్టి చిత్రాలు చేస్తున్నారు. ప్రస్తుతం వకీల్ సాబ్ చిత్రం చేస్తున్నారు. ఈ చిత్రం త్వరలోనే ప్రేక్షకుల ముందుకురానుంది. ఆ తర్వాత క్రిష్, హరీష్ శంకర్ వంటి దర్శకులతో కలిసి పని చేసేందుకు సిద్ధమయ్యారు. ఈ క్రమంలో క్రిష్ జాగర్లమూడి దర్శకత్వంలో తెరకెక్కే చిత్రానికి హరిహర వీరమల్లు అనే టైటిల్ను ఖరారు చేయగా, శివరాత్రి పర్వదినం రోజున ఫస్ట్ లుక్ రిలీజ్ చేశారు.
ఈ చిత్రంలో బందిపోటుగా నటిస్తున్నారు. అంటే ఒక బందిపోటు వీరగాథను ఇతివృత్తంగా చేసుకుని తెరకెక్కిస్తున్నారు. పైగా, ఇది 17వ శతాబ్దం నాటి మొఘలాయిలు, కుతుబ్షాహీల శకం నేపథ్యంలో కథ నడుస్తుంది.
ఈ సినిమా కోసం చార్మినార్, రెడ్ఫోర్ట్, మచిలీపట్నం ఫోర్ట్ వంటి భారీ సెట్లను నిర్మించాం’ అని దర్శకుడు తెలిపారు. నిర్మాత మాట్లాడుతూ ‘నలభైశాతం చిత్రీకరణ పూర్తయింది. జూలై నాటికి చిత్రీకరణ పూర్తిచేస్తాం. వీఎఫ్ఎక్స్ పనుల కోసం ఆరు నెలల సమయాన్ని కేటాయించాం’ అన్నారు.