నాని - నేను కలిసి మూవీ చేస్తున్నాం : నాగార్జున

యువ హీరో నానితో కలిసి ఓ సినిమా చేయనున్నట్టు టాలీవుడ్ 'మన్మథుడు' నాగార్జున వెల్లడించారు. వాస్తవానికి వీరిద్దరి కాంబినేషన్‌లో ఓ మల్టీస్టారర్ మూవీ రానుందనే ప్రచారం జోరుగా సాగింది. ఈ వార్తలను నాగార్జున ధృ

యువ హీరో నానితో కలిసి ఓ సినిమా చేయనున్నట్టు టాలీవుడ్ 'మన్మథుడు' నాగార్జున వెల్లడించారు. వాస్తవానికి వీరిద్దరి కాంబినేషన్‌లో ఓ మల్టీస్టారర్ మూవీ రానుందనే ప్రచారం జోరుగా సాగింది. ఈ వార్తలను నాగార్జున ధృవీకరించారు. 

ఇదే అంశంపై ఆయన స్పందిస్తూ, వైజయంతి మూవీస్ బ్యానర్‌లో నాని కలిసి నటిస్తున్నట్టుగా చెప్పుకుంటున్నారు. ఇది వాస్తవమేనని తాజాగా నాగార్జున స్పష్టంచేశారు. వైజయంతీ మూవీస్ బ్యానర్ పై తాను మల్టీస్టారర్ మూవీ చేయనుండటం నిజమేనని అన్నారు.

ఈ సినిమాలో నాని పాత్ర ఎంతో సరదాగా సాగిపోతుందన్నారు. ఇక తన పాత్ర కూడా ఎంతో ఆసక్తికరంగా ఉంటుందన్నారు. అభిమానులందరినీ ఆకట్టుకునేలా ఈ సినిమా ఉంటుందని తెలిపారు. ఈ చిత్రానికి సి.అశ్వినీదత్ నిర్మాత. 

గతంలో శ్రీరామ్ ఆదిత్య 'భలే మంచిరోజు'.. 'శమంతకమణి' సినిమాలు చేసి తనకంటూ ఓ ప్రత్యేక గుర్తింపు తెచ్చుకున్న విషయం తెల్సిందే. ఈయన దర్శకత్వంలోనే ఈ చిత్రం తెరకెక్కనుంది. ఈ చిత్రం డిసెంబరు నెలలో సెట్స్‌పైకి వెళ్లనుంది.