అక్కినేని నాగ చైతన్య సినిమా వివాదంలో చిక్కుకున్నట్లు వార్తలు వస్తున్నాయి. ప్రస్తుతం చైతన్య- కోలీవుడ్ డైరెక్టర్ ప్రభు కాంబోలో ఒక సినిమా తెరకెక్కుతున్న సంగతి తెలిసిందే. ఈ సినిమా షూటింగ్ ప్రస్తుతం కర్ణాటకలోని మాండ్య జిల్లాలో మెల్కోటే గుడి ప్రాంతంలో జరుగుతోంది.
అక్కడ భారీ బార్ సెటప్ వేసి కొన్ని కీలకమైన సన్నీవేశాలు చిత్రీకరిస్తున్నారు. ఇక ఈ నేపథ్యంలోనే షూటింగ్ జరుపుతుండగా పక్కనే ఉన్న గ్రామస్థులు చిత్ర బృందంపై దాడికి పాల్పడినట్లు తెలుస్తోంది. వారు షూటింగ్ చేస్తున్న పక్కనే ప్రసిద్ధ రాయగోపుర దేవాలయం ఉంది.
నిత్యం పూజలు జరుగుతూ పవిత్ర స్థలంగా ప్రజలు కొలిచే దేవాలయం పక్కన మందు సెటప్, బార్ సెట్‌లు, నృత్యాలు ఏంటని గ్రామస్థులు ఆగ్రహం వ్యక్తం చేశారట. అంతేకాకుండా ఇది హిందువులను అవమానించడమే అని చిత్ర బృందం వేసిన సెట్‌ను కూల్చివేశారట.
ఇక్కడ షూటింగ్ చేసుకోవడానికి మాండ్య డిసి అశ్వతి షరతులతో కూడిన అనుమతి ఇచ్చారు. అయితే ఆ అనుమతి కేవలం రెండు రోజులకు మాత్రమే అని, అందులోనూ ఇలాంటి సీన్స్ ఉంటాయని ఆయనకు చెప్పలేదని సమాచారం.