ఫిలింఫేర్ అవార్డ్స్ సౌత్ 2022 అవార్డ్ ఫంక్షన్ వేడుకకు మొదటిసారిగా బెంగళూరు వేదిక కానుంది. తెలుగు, తమిళం, మలయాళం, కన్నడ సినిమాల్లో కళాకారులను, సాంకేతిక నైపుణ్యత గుర్తిస్తూ ఈ అవార్డులను ప్రదానం చేయడం జరుగుతుంది.
దక్షిణాది భాషలు.. తెలుగు, తమిళం, కన్నడ, మలయాళ చిత్ర పరిశ్రమలలో అత్యుత్తమ కళాకారులను గౌరవించే దిషగా ఫిల్మ్‌ఫేర్ కమర్ ఫిల్మ్ ఫ్యాక్టరీతో కలిసి 67వ పార్లే ఫిల్మ్‌ఫేర్ సౌత్ 2022 అవార్డులను ప్రకటించింది.
2020 మరియు 2021 సంవత్సరాల మధ్య నాలుగు భాషల్లో విడుదలైన చలనచిత్రాలలోని అత్యుత్తమ చలనచిత్రాలు, నటీనటులు, సాంకేతిక ప్రతిభావంతులకు గౌరవనీయమైన బ్లాక్ లేడీ ప్రదానం చేయబడుతుంది. ఈ సినిమాటిక్ ఎక్సలెన్స్ వేడుక బెంగళూరులో నిర్వహించబడుతోంది.
మొట్టమొదటిసారిగా, అక్టోబర్ 9, 2022న, బెంగుళూరు ఇంటర్నేషనల్ ఎగ్జిబిషన్ సెంటర్‌లో మిరుమిట్లు గొలిపే రీతిలో అట్టహాసంగా ఈ వేడుక జరుగుతుంది.
ఈ సంవత్సరం ఫిల్మ్‌ఫేర్ అవార్డ్స్ సౌత్‌లో పూజా హెగ్డే, మృణాల్ ఠాకూర్, కృతి శెట్టి, సానియా అయ్యప్పన్ తదితరులు తమ డ్యాన్స్ షోలు చేస్తారు. ఈ షోకు దిగ్నాథ్ మరియు రమేష్ అరవింద్ హోస్ట్‌లుగా ప్రేక్షకులను సెలబ్రిటీలను ఎంగేజ్ చేస్తారు. ఈ కార్యక్రమం తర్వాత ఫేస్‌బుక్‌లోని ఫిల్మ్‌ఫేర్ పేజీలో... ప్రముఖ ఎంటర్‌టైన్‌మెంట్ ఛానెల్ జీ కన్నడలో అక్టోబర్ 16న మధ్యాహ్నం 3 గంటలకు ప్రసారం చేయబడుతుంది.
ఈ కార్యక్రమం అక్టోబర్ 16న మధ్యాహ్నం 3:30 గంటలకు జీ తమిళ్‌లో కూడా ప్రసారం చేయబడుతుంది. జీ కేరళం మరియు జీ తెలుగు అక్టోబర్ 23న మధ్యాహ్నం 3 గంటలకు ఇది ప్రసారం అవుతుంది.
సౌత్ ఫిల్మ్‌ఫేర్ అవార్డ్స్ 67వ ఎడిషన్ నామినేషన్ లిస్ట్‌లో సూపర్-హిట్ స్టార్లు, బ్లాక్ లేడీని ఇంటికి తీసుకెళ్లేందుకు పోటీపడుతున్న ప్రదర్శనలు ఉన్నందున ఇది సినీ వర్గానికి ఉత్తేజకరమైన రాత్రి కానుంది.
అలాగే సూరరై పొట్రు, అయ్యప్పనుమ్ కోషియుమ్, పుష్ప: ది రైజ్ పార్ట్ 1, జై భీమ్, బడవ రాస్కెల్, లవ్ మాక్‌టైల్ వంటి వీక్షకుల అభిమాన చలనచిత్రాలు కేటగిరీలలో గరిష్టంగా నామినేషన్‌లను పొందాయి. అల్లు అర్జున్, సూర్య, దుల్కర్ సల్మాన్, మోహన్‌లాల్, రాజ్ బి శెట్టి వంటి బహుముఖ నటులు ఉత్తమ నటుడి విభాగంలో (మేల్) నామినేట్ కాగా, రష్మిక మందన్న, సాయి పల్లవి, జ్యోతిక, శోభన వంటి హీరోయిన్‌లు ఉత్తమ నటీమణుల విభాగంలో నామినేట్ అయ్యారు.
ఈ కార్యక్రమం గురించి వరల్డ్‌వైడ్ మీడియా లిమిటెడ్ CEO దీపక్ లాంబా మాట్లాడుతూ, "దక్షిణ భారతదేశంలోని చలనచిత్ర పరిశ్రమలు సంవత్సరాలుగా లెక్కలేనన్ని సినిమా రత్నాలను ఉత్పత్తి చేయడం ద్వారా సినిమాని పునర్నించాయి. వారు భారతీయ సినిమాకి కొత్త మార్గాన్ని సుగమం చేసారు.
దాని వృద్ధికి అపారమైన సహకారం అందించారు. దాని ప్రపంచ గుర్తింపును పెంచారు. గత ఆరు దశాబ్దాలుగా, ఫిలింఫేర్ అవార్డ్స్ సౌత్ అనేది తెలుగు, తమిళం, కన్నడ, మలయాళం చిత్ర పరిశ్రమల నుండి అత్యంత సృజనాత్మక కళాకారులు, చిత్రనిర్మాతలు ప్రదర్శించిన సినిమా నైపుణ్యానికి పర్యాయపదంగా మారింది.
బెంగుళూరులో మొదటిసారిగా ఈ ఈవెంట్‌ని నిర్వహించడం మాకు చాలా సంతోషంగా ఉంది. నాలుగు పరిశ్రమలు వారి ప్రజలను ఒకచోట చేర్చే వేడుకలో, దక్షిణాది నుండి అత్యుత్తమ కళాకారులను వెలుగులోకి తీసుకురావడానికి వేదిక సిద్ధమైంది.
తెలుగు నామినేషన్స్ :
బెస్ట్ ఫిల్మ్-అఖండ
అలా వైకుంఠ పురంలో
జాతి రత్నాలు
లవ్ స్టోరీ
పలాసా 1978
పుష్ప: ది రైజ్- పార్ట్ 1
ఉప్పెన
అత్యుత్తమ దర్శకుడు
బుచ్చిబాబు సన (ఉప్పెన)
కరుణ (పలాస 1978)
రాహుల్- శ్యామ్ సింగరాయ్
శేఖర్ కమ్ముల - లవ్ స్టోరీ
సుకుమార్ - పుష్ప: ది రైజ్- పార్ట్ 1
త్రివిక్రమ్ శ్రీనివాస్- అలా వైకుంఠపురంలో
ఉదయ్ గురాల (మెయిల్).
