మెగాస్టార్ సినిమా సైరా.. జాతిపిత గాంధీ జయంతి సందర్బంగా ప్రేక్షకుల ముందుకొచ్చింది. ఈ సినిమాలో స్వీటీ దేవసేన ఒక చిన్న పాత్రలో కనిపించింది. దాని కోసం ఆమె ఒక్క రూపాయి కూడా అడగలేదట.. ఇస్తున్న ఆమె కూడా తీసుకోలేదట.
చిరంజీవిగారంటే ఆమెకు వున్న అభిమానంతో ఆ రోల్ చేసేందుకు ఒప్పుకుందని టాక్ వస్తోంది. నిశ్శబ్దం సినిమా షూటింగ్‌లో ఉన్న అనుష్క సైరా సినిమాకోసం అమెరికా నుండి వచ్చి మరి ఈ సినిమాలో నటించింది. ఆమె నటిస్తున్న నిశ్శబ్ధం త్వరలోనే విడుదల కానుంది.
మెగాస్టార్ చిరంజీవి హీరోగా నటించిన ఉయ్యాలవాడ నరసింహారెడ్డి సినిమాను రామ్ చరణ్ నిర్మించగా, సురేందర్ రెడ్డి దర్శకత్వం వహించారు. ఇలాంటి సినిమాలు చేయడం ఆయనకు కొత్త అయినా బాగానే తెరకెక్కించారని టాక్ వస్తోంది. ఇందులో అమితాబ్, సుదీప్, విజయ్ సేతుపతి, జగపతిబాబు, తమన్నా, నయనతార, అనుష్కలు నటించారు.
కానా సైరాలో ఝాన్సీ లక్ష్మీబాయ్ పాత్రలో అనుష్క సూపర్‌గా నటించిందని బాహుబలి హీరో ప్రభాస్ కితాబిచ్చాడని తెలుస్తోంది. ఈ పాత్రకు అనుష్క అద్భుతంగా ఒదిగిపోయిందని చెప్పాడని టాలీవుడ్ వర్గాల సమాచారం. బాహుబలికి తర్వాత అనుష్కను ఇలాంటి క్యారెక్టర్‌లో చూడటం సంతోషంగా వుందని చెప్పుకొచ్చాడట. అంతేగాకుండా.. సైరాలో నటించిన నటీనటులను, మెగాస్టార్ చిరంజీవిపై కూడా ప్రభాస్ ప్రశంసల జల్లు కురిపించారని తెలుస్తోంది.