మ‌జిలీ డైరెక్ట‌ర్‌కి బంప‌ర్ ఆఫ‌ర్..?

నిన్ను కోరి సినిమాతో తొలి ప్ర‌య‌త్నంలోనే విజ‌యం సాధించి.. అంద‌రి దృష్టిని త‌న‌వైపుకు తిప్పుకున్న యువ ద‌ర్శ‌కుడు శివ నిర్వాణ‌. మ‌లి చిత్రంగా యువ సామ్రాట్ నాగ చైత‌న్య‌తో మ‌జిలీ సినిమాని తెర‌కెక్కించ‌డం... ఈ సినిమా సంచ‌ల‌న విజ‌యం సాధించ‌డం తెలిసిందే. వ‌రుస‌గా రెండు సినిమాల‌తో విజయం సాధించ‌డంతో ఈ యువ ద‌ర్శ‌కుడితో సినిమాలు చేసేందుకు హీరోలు, నిర్మాత‌లు ఇంట్ర‌ెస్ట్ చూపిస్తున్నారు. 

లేటెస్ట్ న్యూస్ ఏంటంటే... ఇటీవ‌ల శివ నిర్వాణని సెన్సేష‌న‌ల్ స్టార్ విజ‌య్ దేవ‌ర‌కొండ ఏదైనా క‌థ ఉంటే చెప్ప‌మ‌న్నాడ‌ట‌. ఆ త‌ర్వాత శివ క‌థ చెప్ప‌డం... దీనికి విజ‌య్ దేవ‌ర‌కొండ గ్రీన్ సిగ్న‌ల్ ఇవ్వ‌డం జ‌రిగింద‌ని స‌మాచారం. ప్ర‌స్తుతం విజ‌య్ దేవ‌ర‌కొండ రెండు సినిమాల‌తో బిజీగా ఉన్నాడు. 

ఈ రెండు పూర్త‌వ్వాడానికి కాస్త టైమ్ పడుతుంది. అందుచేత డిసెంబ‌ర్ లో వీరిద్ద‌రి కాంబినేష‌న్ లో సినిమా సెట్స్ పైకి వెళ్లే ఛాన్స్ ఉంద‌ని తెలిసింది. మ‌రి... ఈ సినిమాతో కూడా విజ‌యం సాధించి శివ నిర్వాణ‌ హ్యాట్రిక్ సాధిస్తాడేమో చూడాలి.