టాలీవుడ్ యంగ్ హీరో నితిన్, మహానటి కీర్తి సురేష్ ప్రధాన పాత్రలలో వెంకీ అట్లూరి తెరకెక్కిస్తున్న చిత్రం 'రంగ్ దే'. సితార అధినేత నాగవంశీ ఈ చిత్రాన్ని నిర్మించారు. మార్చి 26న విడుదల కానున్న నేపథ్యంలో ఈ సినిమా ప్రమోషన్స్‌ను జోరుగా పెంచేసింది చిత్రయూనిట్. తాజాగా కీర్తి సురేష్, నితిన్ పై ప్రతీకారం తీసుకుంది. ఈమేరకు తన ఇన్‌స్టాగ్రామ్ ద్వారా ఓ ఫన్నీ వీడియో షేర్ చేస్తూ నెటిజన్స్‌ను అలరించింది.
ఈ వీడియోలో నితిన్ తల అటూ ఇటూ కదులుతూ ఉండగా, బ్యాక్‌గ్రౌండ్‌లో 'జిమ్మీ జిమ్మీ జిమ్మీ ఆజా' పాట వస్తుంది. ఈ వీడియోకు యానిమేషన్ పర్‌ఫెక్ట్‌గా సెట్ అవ్వటంతో నెటిజన్లను ఆకట్టుకుంటుంది.
ఈ వీడియోకు కీర్తి సురేష్ .. హాయ్ అర్జున్.. ఇదిగో నా పగ ప్రతీకారం.. ప్రేమ-అను.' అంటూ రంగ్ దే చిత్రంలో వారి పాత్రలపై క్లారిటీ ఇచ్చింది. కాగా రంగ్ దే షూటింగ్ టైమ్‌లో కీర్తిపై నితిన్ చేసిన పనులకు ప్రతీకారంగా ఆమె ఇలా స్వీట్ రివెంజ్ తీసుకుంది.