కొండల్లో దారితప్పిన బాలీవుడ్ యువ హీరో

బాలీవుడ్ చిత్ర పరిశ్రమకు చెందిన ఓ యువ హీరో దారితప్పిపోయాడు. అక్కడ నుంచి బయటపడేందుకు తన కారులో చక్కర్లు కొడుతుండగా, ఓ పోలీస్ కానిస్టేబుల్ గుర్తుపట్టి దారి చూపాడు. ఈ సందర్భంగా ఆ హీరోతో కానిస్టేబుల్ ఓ సెల్ఫీ వీడియో తీసుకున్నాడు. ఈ వీడియోను సోషల్ మీడియాలో షేర్ చేయడంతో అది ఇపుడు వైరల్ అయింది. తప్పిపోయిన బాలీవుడ్ హీరో పేరు కార్తీక్ ఆర్యన్. 

పలు హిందీ చిత్రాల్లో నటించి మంచి పేరుతో పాటు గుర్తింపు పొందాడు. ఈయన త‌న లేటెస్ట్ మూవీ "ఫ్రెడ్డీ" కోసం మహారాష్ట్రలోని మ‌హాబ‌ళేశ్వ‌ర్ స‌మీపంలో ఉండే పంచ్‌ఘ‌నీ అనే ప్రాంతానికి వెళ్లాడు. 

ఈ క్ర‌మంలో అలా స‌రదాగా అక్క‌డి ప్ర‌కృతిని ఎంజాయ్ చేయ‌డానికి కారులో బ‌య‌ట‌కు వెళ్లిన అత‌డు.. తిరిగి వెళ్లే స‌మ‌యంలో దారి త‌ప్పాడు. దారి కోసం వెతుకుతున్న అత‌న్ని అక్క‌డే ఉన్న పోలీసులు గుర్తుప‌ట్టారు. అత‌నికి దారి చూపిస్తూ.. ప‌నిలో ప‌నిగా సెల్ఫీలో దిగ‌డానికి పోటీలు ప‌డ్డారు. 

కార్తీక్ ఆర్య‌న్‌ను చూసిన ఓ పోలీస్ వెంట‌నే మొబైల్ ఫోన్ తీసి సెల్ఫీకి రెడీ అయిపోయాడు. అంతేకాదు స‌న్‌గ్లాసెస్ తీయ‌మ‌ని కూడా అత‌డు కార్తీక్‌ను అడ‌గ‌డం విశేషం. సెల్ఫీలు దిగ‌డం పూర్త‌యిన త‌ర్వాత అత‌నికి దారి చూపించి పంపించారు.