సోషల్ మీడియా నెటిజన్ల కారణంగా సెలబ్రిటీలకు చిక్కులు రోజురోజుకీ పెరిగిపోతున్నాయి. ఇటీవలికాలంలో అనేక మంది ట్రోలింగ్‌కు గురవుతున్నారు. కొన్ని సందర్భాలలో అయితే నెటిజన్లు వాడుతున్న అభ్యంతరకరమైన భాషకు సెలబ్రిటీ తీవ్ర మనస్తాపానికి గురై కొందరు సైలెంట్‌గా ఉంటే, మరికొందరు ఘాటుగా రిప్లై ఇస్తున్నారు.
ఇటీవల బాలీవుడ్ కపుల్ సైఫ్, కరీనాలకు నెటిజన్ నుంచి చేదు అనుభవం ఎదురైంది. ఆ నెటిజన్‌కు ఘాటుగా సమాధానమిచ్చింది కరీనా. అర్బాజ్ ఖాన్ చాట్ షోలో తనను ఉద్దేశించి తన భర్తకు ఓ నెటిజన్ చేసిన ట్రోల్‌ను చదివారు కరీనా. సైఫ్ అలీ ఖాన్, నీకు చచ్చి నరకానికి పోవాలని లేదా? నీ భార్య ఛండాలంగా బికినీ ధరించడం నీకు సిగ్గుగా అనిపించడం లేదా? అంటూ చేసిన ట్రోల్‌ చేశాడు.
దీనికి కరీనా సమాధానమిస్తూ... బికినీ ధరించడం అనేది నా స్వవిషయం, కుదరదని చెప్పడానికి సైఫ్ ఎవరు? అయినా మా రిలేషన్ అటువంటిది కాదు, మా బంధం బాధ్యతాయుతమైనది, మాకు ఒకరిపై మరొకరికి పూర్తి నమ్మకం ఉందని చెప్పింది. అయినా బీచ్‌లో బికినీ వేసుకోకపోతే ఇంకేం వేసుకుంటారు.. నీటిలో మునిగేటప్పుడు చీర కట్టుకోమంటావా? ఒకరి వ్యక్తిగత విషయాలలో తలదూర్చే హక్కు నీకేవరిచ్చారంటూ మండిపడ్డారు.