కాంతారా-2 షూటింగ్‌లో విషాదం- ముగ్గురు ఆర్టిస్టులు కన్నుమూత

కన్నడ సినిమాల్లో పాన్ ఇండియా స్థాయిలో విజయం సాధించి గొప్ప రికార్డు సృష్టించిన సినిమా కాంతారా. ప్రస్తుతం సీక్వెల్ 'కాంతారా 2' సిద్ధం అవుతోంది. కేరళలోని త్రిసూర్‌కు చెందిన జూనియర్ ఆర్టిస్ట్ విజు వికె బుధవారం (జూన్ 11) అర్ధరాత్రి గుండె నొప్పితో కుప్పకూలిపోయాడు. 

ఇలా కొన్ని నెలల వ్యవధిలో కాంతార 2 సినిమాలో భాగమైన ముగ్గురు ఆర్టిస్టులు కన్నుమూయడం శాండల్ వుడ్‌లో హాట్ టాపిక్‌గా మారింది. త్రిసూర్‌లో నివాసముండే విజు వికే కాంతార: చాప్టర్-1 సినిమా షూటింగ్ కోసం కర్ణాటకకు వచ్చారు. అగుంబే సమీపంలోని హోమ్ స్టేలో ఆయన బస చేశారు. 

అయితే బుధవారం రాత్రి ఆయనకు ఛాతీ నొప్పి వచ్చింది. వెంటనే ఆయనను తీర్థహళ్లిలోని ఆసుపత్రికి తీసుకెళ్లారు. కానీ మార్గమధ్యంలోనే ప్రాణాలు కోల్పోయాడు. కాంతార: చాప్టర్ 1 అనేది కాంతార చిత్రానికి ప్రీక్వెల్. 2022లో విడుదలైన కాంతార పాన్-ఇండియా స్థాయిలో హిట్ అయింది.

ఇప్పుడు ఈ మూవీకి ప్రీక్వెల్ తెరకెక్కుతోంది. మొదటి పార్ట్‌ను నిర్మించిన హోంబాలే ఫిల్మ్స్ సంస్థనే ఈ ప్రీక్వెల్‌ను కూడా రూపొందిస్తోంది. అయితే ఈ ఆర్టిస్టు మరణాలపై కాంతార టీమ్ ఎలా స్పందిస్తుందో చూడాలి.