Kantara 2: కాంతారా 2కి అన్నీ కలిసొస్తున్నాయ్.. వార్ 2తో పోటీ

రిషబ్ శెట్టి కాంతార మొదటి భాగం కేవలం చిన్న సినిమాగా విడుదలై, అద్భుతమైన మౌత్ టాక్‌తో అంచనాలకు మించి వసూళ్లు రాబట్టింది. ఓపెనింగ్ డే కేవలం రూ.2.5 కోట్లు వసూలు చేసిన ఈ చిత్రం, హిందీ మార్కెట్‌లోనే రూ.100 కోట్లకు పైగా కలెక్షన్లు సాధించడం విశేషం. 

ఈ సినిమా ఇప్పుడు కాంతార చాప్టర్ 1 పేరుతో ప్రీక్వెల్ రూపంలో వస్తోంది. ఈ సినిమాకు ఉన్న హైప్‌ను బట్టి చూస్తే, ఈసారి కనీసం రూ.800-1000 కోట్ల గ్లోబల్ గ్రాస్ టార్గెట్‌గా పెట్టుకోవచ్చు. కాంతార 2కు కూడా భారీ బూస్ట్ లభించింది. 

బాలీవుడ్ స్టార్ వరుణ్ ధావన్ సినిమా విడుదల షెడ్యూల్ మార్చుకోవడంతో, కాంతార 2 హిందీలో గాంధీ జయంతి రోజున సింగిల్ రిలీజ్ అవుతోంది. ఈ మార్పుతో దసరా కానుకగా ఈ చిత్రం భారీ వసూళ్లకు దారి తీసేలా కనిపిస్తోంది. ప్రస్తుతం బాక్సాఫీస్ పోటీ గురించి మాట్లాడుకుంటే, కాంతార 2 ప్రధానంగా వార్ 2 చిత్రంతో ఢీకొనబోతోంది. 

అయితే, ఈ చిత్రం విడుదలకు మరో కొంత సమయం ఉండటంతో, కాంతార 2 ఇప్పటికే తన స్థానం పక్కాగా సెట్ చేసుకున్నట్లు కనిపిస్తోంది. బాలీవుడ్ నుండి పోటీ లేకపోవడం, సౌత్‌లో హైప్ ఎక్కువగా ఉండడం వల్ల ఈ సినిమా 2025లో బిగ్గెస్ట్ బ్లాక్‌బస్టర్ అవ్వాలని చూస్తోంది.