వైవాహిక బంధాన్ని తెంచుకున్న కె.రాఘవేంద్ర రావు కొడుకు - కోడలు నిజమా?

తెలుగు చిత్ర పరిశ్రమకు చెందిన అగ్ర దర్శకుడు కె.రాఘవేంద్ర రావు కుటుంబానికి సంబంధించిన ఓ విషయం తాజాగా వెలుగులోకి వచ్చింది. ఈ విషయాన్ని దర్శకేంద్రుడు కోడలే స్వయంగా వెల్లడించింది. రాఘవేంద్ర రావు కుమారుడు, కోడలు తమ వైవాహిక బంధాన్ని తెంచుకున్నారంటూ పలు ఆంగ్ల పత్రికలు, వెబ్ సైట్లు రాశాయి. 

ఈ వివరాలను పరిశీలిస్తే, దర్శకుడు కె.రాఘవేంద్ర రావు కుమారుడు ప్రకాష్ కోవెలమూడి గత 2014లో ప్రేమ వివాహం జరిగింది. ఈయన కనిక దిల్లాన్‌ అనే సినీ రచయిత్రిని ప్రేమించి పెళ్లి చేసుకున్నారు. వీరిద్దరూ కలిసి పలు చిత్రాలు కూడా చేశారు. ఈ క్రమంలో తాజాగా బాలీవుడ్ నటి నటి కంగనా రనౌత్ నటించిన "జడ్జిమెంట్ హై క్యా" అనే చిత్రానికి ఈ భార్యాభర్తలిద్దరూ కలిసి పని చేశారు. ఈ చిత్రానికి ప్రకాష్ దర్శకత్వం వహించగా, కనికా దిల్లాన్ రచయిత్రిగా పనిచేశారు. 

ఈ క్రమంలో ఆమె తాజాగా ఓ మీడియా సంస్థకు ఇచ్చిన విషయంలో తమ వైవాహిక బంధానికి సంబంధించిన విషయాన్ని బహిర్గతం చేసింది. తామిద్దరం రెండేళ్ల క్రితమే విడిపోయామని, ప్రస్తుతం వేర్వేరుగా జీవిస్తూ, స్నేహితులుగా ఉంటున్నట్టు చెప్పుకొచ్చింది. తామిద్దరి మధ్య మనస్పర్థలు రావడంతోనే తామిద్దరం పరస్పర అంగీకారంతో విడిపోయినట్టు తెలిపారు. ఈ వార్త టాలీవుడ్‌లో చర్చనీయాంశంగా మారింది.