మరోసారి విష్ణు, నరేష్‌లపై విరుచుకుపడ్డారు సినీనటి జీవితా రాజశేఖర్. మా అసోసియేషన్ కార్యాలయంలో విష్ణు కన్నా నరేష్ ఎక్కువగా కనబడుతున్నారన్నారు. అసలు మా ఎన్నికల గురించి పెద్దగా తాను పట్టించుకోలేదన్నారు. కానీ ప్రకాష్ రాజ్ ప్యానల్ లోని వారు మా సభ్యత్వానికి రాజీనామా చేస్తున్నామని ఆమోదించాలని కోరితే వెంటనే కాకుండా మంచు విష్ణు ఆలస్యంగా రాజీనామా ఆమోదించడం ఏంటని ప్రశ్నించారు.
అసలు విష్ణు ఎప్పుడు ఏవిధంగా ప్రవర్తిస్తున్నాడో అతనికైనా అర్థమవుతుందా అని ప్రశ్నించారు. దీని వెనుక మొత్తం నరేష్ కథను నడిపిస్తున్నట్లు చెప్పుకొచ్చారు జీవితా రాజశేఖర్. తన కుమార్తె నటించిన శేఖర్ సినిమాకు సంబంధించిన హడావిడిలో ఉన్నానన్న జీవితా దీన్ని పెద్దగా పట్టించుకోవాల్సిన అవసరం లేదంటున్నారు.
అయితే ఇష్టపూర్వకంగానే ప్రకాష్ ప్యానల్ లోని వారు అసోసియేషన్‌కు రాజీనామా చేశారని.. దాన్ని ఆమోదించినా, ఆమోదించకపోయినా తమకు వచ్చే నష్టం ఏమాత్రం లేదని స్పష్టం చేశారు.