జబర్దస్త్ షోద్వారా సుధీర్ రష్మి ఎంతటి క్రేజ్ సంపాదించుకున్నారో చెప్పనక్కర్లేదు. ఈ జంటకు ప్రత్యేక ఫ్యాన్ ఫాలోయింగ్ వుంది. ఈ నేపథ్యంలో ఈ జంట ప్రేమను తక్కువ చేసి మాట్లాడాడు ఓ జబర్దస్త్ కమెడియన్. సుధీర్ రష్మిల లవ్ కంటే కూడా తమ లవ్ చాలా గొప్పదని.. వారు కేవలం ఎనిమిది సంవత్సరాలుగా మాత్రమే ప్రేమించుకుంటున్నారు.. కానీ తమ లవ్ స్టోరి దానికంటే పెద్దదని అంటున్నాడు రైజింగ్ రాజు.
జబర్దస్త్ షోకు సంబంధించి ఏ వారానికి ఆవారానికి ఓ ప్రోమోను ఈటీవీ తన యూట్యూబ్ ఛానల్‌లో విడుదల చేస్తూ ఉంటుంది. అందులో భాగంగా తాజాగా జబర్దస్త్ కు సంబందించిన లేటెస్ట్ ప్రోమో విడుదలైంది. ఈ ప్రోమోలో మొదట హైపర్ ఆది స్కిట్‌కు చెందిన సన్నివేశం రాగా.. హైపర్ ఆది ఎప్పటిలాగే తన పంచులతో రైజింగ్ రాజును ఆడేసుకున్నాడు. మన ప్రేమ రష్మి సుధీర్‌లకంటే కూడా గొప్పదని.. మనది ఎనిమిది సంవత్సరాలకు పైబడిన ప్రేమ అని.. ఈ విషయంలో రష్మి సుధీర్‌లు పనికిరారని అంటాడు రైజింగ్ రాజు. దీంతో హైపర్ ఆది కలిగించుకుని అవును మీప్రేమ గుడ్డిదికాదు.. ముసలిప్రేమ అంటూ పంచువిసురుతాడు. ఇక్కడ రోజా కూడా ఓ అదిరిపోయే పంచు విసిరింది.
ఇక ఆ తర్వాత వచ్చిన దొరబాబు స్కిట్‌లో భాగంగా ఎక్కువ చేస్తే జైళ్లో వేస్తాం.. అంటూ పోలీసులు అనగానే జైలు నాకు కొత్తేంకాదు అంటూ ముందుకు వస్తాడు దొరబాబు. దీంతో అందురూ నవ్వులు చిందించారు. ఇక్కడ రోజా కూడా ఓ పంచు విసిరింది. అనసూయతో పాటు అందరూ కేవ్వుమన్నారు. ప్రస్తుతం ఈ తాజా ప్రోమో సోషల్ మీడియాలో వైరల్‌గా మారింది.