సీనియర్ నటి గౌతమి.. సినీ లెజెండ్ కమల్ హాసన్‌తో తెగతెంపులు చేసుకుంది. ప్రస్తుతం క్యారెక్టర్ ఆర్టిస్టుగా వచ్చిన అవకాశాలను సద్వినియోగం చేసుకుంటోంది. తెలుగు, తమిళ భాషల్లో గౌతమికి మంచి పేరుంది. ప్రస్తుతం ఆ
సీనియర్ నటి గౌతమి.. సినీ లెజెండ్ కమల్ హాసన్‌తో తెగతెంపులు చేసుకుంది. ప్రస్తుతం క్యారెక్టర్ ఆర్టిస్టుగా వచ్చిన అవకాశాలను సద్వినియోగం చేసుకుంటోంది. తెలుగు, తమిళ భాషల్లో గౌతమికి మంచి పేరుంది. ప్రస్తుతం ఆ పేరుతో తన నట వారసురాలిగా తన కుమార్తెను సినీ అరంగేట్రం చేయించాలనుకుంటున్నట్లు కోలీవుడ్ వర్గాల్లో టాక్ వస్తోంది. ఈ క్రమంలో తమిళంలో రీమేక్ అవుతోన్న ''అర్జున్ రెడ్డి'' సినిమాలో కథానాయికగా సుబ్బులక్ష్మి ఎంపిక జరిగిపోయినట్టుగా ప్రచారం జరుగుతోంది.
ఇంకా ధృవ్ హీరోగా చేయనున్న ఈ చిత్రంలో హీరోయిన్‌గా గౌతమి కుమార్తెను ఎంపిక చేసినట్లు కోలీవుడ్‌లో టాక్ వస్తోంది. అయితే ఈ వార్తలను గౌతమి కొట్టిపారేశారు. ప్రస్తుతానికి తన కుమార్తె నటించదని.. చదువుపైనే సుబ్బులక్ష్మి పూర్తిగా దృష్టి పెట్టిందని స్పష్టం చేసింది. నటనాపరంగా ఎలాంటి ప్లాన్స్ లేవని, అర్జున్ రెడ్డి సినిమాలో సుబ్బు నటిస్తున్నట్లు వార్తలన్నీ కేవలం ప్రచారం మాత్రమేనని.. అవన్నీ పుకార్లేనని గౌతమి ట్విట్టర్ ద్వారా స్పష్టం చేసింది.