జబర్దస్త్ కామెడీ స్కిట్ల గురించి అస్సలు చెప్పనక్కర్లేదు. కడుపుబ్బ నవ్వించే కామెడీ షో అది. అలాఇలా ఉండదు. గంటపాటు నవ్వుతూ ఉండటమే. అందులో కూడా కొంతమంది చేసే స్కిట్లు అంటారు. ఇక అసలు నవ్వును ఆపుకోలేము. పగలబడి నవ్వాల్సిందే.
అందులోను హైపర్ ఆది స్కిట్ చాలా ఫేమస్. అందుకే చాలామంది హైపర్ ఆది స్కిట్ కోసం ఆసక్తిగా వెయిట్ చేస్తుంటారు. సరదాగా నవ్వుకుంటుంటారు. అందులో ఒక వ్యక్తి ముక్కు అవినాష్. జబర్దస్త్‌లో అవినాష్‌కు మంచి పేరే ఉంది. అతను కామెడీ పండించే విధానం కూడా చాలా బాగుంటుంది.
అలాంటి వ్యక్తి ఉన్నట్లుండి జబర్దస్త్ వదిలి బిగ్ బాస్ షోకు ఎందుకు వెళ్ళాడా అనేది ఇప్పటికీ చాలామంది అభిమానులకు అర్థం కాని ప్రశ్న. అయితే ఈ విషయాన్ని స్వయంగా బహిర్గతం చేసాడు అతని స్నేహితుడు హైపర్ ఆది. ఈ మధ్యే ముక్కు అవినాష్ ఇల్లు కొన్నాడు.
తెలుసుగా.. కరోనా వచ్చింది. మా షూటింగ్ ఆగిపోయింది. డబ్బులు లేవు. ఇక డ్యూల గురించి అంటారా విలవిలలాడిపోయాడు ముక్కు అవినాష్. అందుకే కాస్త ఆలస్యమైనా బిగ్ బాస్ షోలో అవకాశం వచ్చిందని తెలిసి పరుగెత్తుకుంటూ వెళ్ళాడు. ఇప్పుడు హౌస్‌లో ఉన్నాడు. రెమ్యునరేషన్ బాగా వస్తుందిగా ఇంటి అప్పును కట్టేస్తున్నాడంటూ చెప్పుకొచ్చాడు.
ఆర్థిక పరిస్థితి బాగాలేకే అవినాష్ ఈ నిర్ణయం తీసుకున్నట్లు కుండబద్ధలు కొట్టాడు హైపర్ ఆది. దీంతో అభిమానులు, విమర్శకులు నోళ్ళు మూసేశారు.