అసురన్ తర్వాత ధనుష్ లోకల్ బాయ్‌గా వస్తున్నాడు. సంక్రాంతి సందర్భంగా పటాస్ పేరుతో కోలీవుడ్‌లో సినిమా విడుదలైంది. తెలుగులో ధనుష్‌కు మంచి మార్కెట్ వున్నందున పటాస్ సినిమాను తెలుగులో లోకల్ బాయ్ పేరిట విడుదల కానుంది. రఘువరన్ బీటెక్ అనే సినిమా గతంలో హిట్టైన సంగతి తెలిసిందే.
ఈ నేపథ్యంలో తాజాగా విడుదలయ్యే లోకల్ బాయ్ కూడా మంచి గుర్తింపును సంపాదించిపెడుతుందని సినీ విశ్లేషకులు అభిప్రాయం వ్యక్తం చేస్తున్నారు. పటాస్‌ను లోకల్ బాయ్ పేరుతో తెలుగులో విఘ్నేశ్వర ఎంటర్‌టైన్‌మెంట్స్‌ పతాకంపై నిర్మాత సీహెచ్‌ సతీష్‌కుమార్‌ విడుదల చేస్తున్నాడు. ఫిబ్రవరిలో విడుదలకానుంది.
కాగా ఈ ‘పటాస్’ సినిమాను ఆర్.ఎస్. దురై సెంథిల్ కుమార్ దర్శకత్వం వహించాడు. సెంథిల్ త్యాగరాజన్, అర్జున్ త్యాగరాజన్ నిర్మాతలు. ఈ సినిమాలో మెహ్రీన్ హీరోయిన్‌గా చేసింది. ఈమె ఎఫ్ 2, కృష్ణగాడి వీరప్రేమగాథ, మహానుభావుడు, రాజా ది గ్రేట్ వంటి సినిమాల్లో నటించిన సంగతి తెలిసిందే.