#RowdybabyHits1BillionViews... కొలవెరికి తొమ్మిదేళ్లు..

ఫిదా భామ సాయిపల్లవి ఖాతాలో కొత్త రికార్డు నమోదైంది. తమిళ నటుడు ధనుష్ నటించిన మారి 2 చిత్రంలోని రౌడీ బేబీ పాట యూట్యూబ్‌లో సెన్సేషన్ క్రియేట్ చేసింది. దీంతో ఫిదా భామ ఖాతాలో ఈ రికార్డు జమ అయ్యింది. రౌడీ బేబీ పాట ఇప్పటివరకూ వన్ బిలియన్ వ్యూస్ దక్కించుకుంది. 

యువన్ శంకర్ రాజా సంగీతం అందించిన ఈ పాట అందరినీ ఉర్రూతలూగించింది. 2018లో విడుదలైన ఈ సినిమా ఫలితం ఎలా ఉన్నా రౌడీ బేబీ పాట మాత్రం సూపర్ హిట్ అయ్యింది. ట్యూన్‌కి తోడు సాయి పల్లవి, ధనుష్‍ల డాన్స్ కూడా బాగా అలరించింది.

ఐతే రౌడీ బేబీ పాట వన్ బిలియన్ వ్యూస్ అందుకున్న ఈ రోజే (నవంబర్-16) ధనుష్ పాడిన కొలవెరి డీ పాట తొమ్మిది సంవత్సరాలు పూర్తి చేసుకుంది. ఈ మేరకు ధనుష్ ట్విట్టర్ ద్వారా అందరికీ ధన్యవాదాలు తెలియజేశాడు. ఒకే రోజున రెండు పండగలు వచ్చినంత ఆనందంగా ఉందని పేర్కొన్నాడు. 

అటు సాయిపల్లవి కూడా తను నటించిన సినిమాలోని పాట వన్ బిలియన్ వ్యూస్ దక్కించుకున్నందుకు హర్షం వ్యక్తం చేసింది. కాగా రౌడీ బేబీ పాటకు ప్రముఖ దర్శకుడు, కొరియోగ్రాఫర్ ప్రభుదేవా కొరియోగ్రాఫర్‌గా పనిచేశాడు.