ప్రముఖ దర్శకుడు శేఖర్ కమ్ముల తాజాగా లవ్ స్టోరీతో ముందుకు వస్తున్నాడు. నాగచైతన్య, సాయిపల్లవి జంటగా ఈ సినిమాలో నటిస్తున్నారు. ఈ సినిమా షూటింగ్ దాదాపు చివరి దశకు చేరుకుంది. కరోనా కంటే ముందే మొదలైన ఈ సినిమా కరోనా కారణంగా వాయిదా పడింది. ఇటీవలే ఈ సినిమాషూటింగ్ తిరిగి ప్రారంభమయ్యింది. చకచకా ఈ షూటింగ్ ను పూర్తి చేస్తున్నాడు దర్శకుడు శేఖర్ కమ్ముల.
ఈ మూవీ ఫస్ట్ లుక్ అండ్ ఫస్ట్ సాంగ్‌కు ట్రెమండస్ రెస్పాన్స్ రావడంతో ఎప్పుడెప్పుడు లవ్ స్టోరీ రిలీజ్ అవుతుందా అని ప్రేక్షకులు ఎదురు చూస్తున్నారు. ఇక ఈ సినిమాను డిసెంబర్ నెలాఖరులో కానీ జనవరిలో కానీ ప్రేక్షకుల ముందుకు తీసుకురావాలని చూస్తున్నారంటూ ఆ మధ్య గుసగుసలు వినిపించాయి.
అయితే మొదట్లో ఈ సినిమా ఓటీటీ ద్వారా విడుదల అవుతుందని వార్తలు చక్కర్లు కొట్టాయి. ఆ తరవాత సినిమా థియేటర్స్‌కు కేంద్రం అనుమతి ఇవ్వడంతో థియేటర్‌లో రిలీజ్ చేయాలని చూస్తున్నారని టాక్ వచ్చింది. కానీ ఇంతవరకు దానిపైన క్లారిటీ లేదు. అటు చిత్రయూనిట్ కూడా రిలీజ్ పై స్పందించకపోవడంతో ప్రేక్షకుల్లో రకరకాల అనుమానాలు తలెత్తుతున్నాయి.
