కొంతకాలం క్రితం విజయ్ దర్శకత్వంలో... ప్రభుదేవా - తమన్నా ప్రధాన పాత్రధారులుగా 'దేవి' అనే తమిళ సినిమా తెరకెక్కిన విషయం తెలిసిందే... హారర్ నేపథ్యంలో రూపొందిన ఈ సినిమా తెలుగులో 'అభినేత్రి' పేరుతో ప్రేక్షకుల ముందుకు వచ్చి... భారీ వసూళ్లతో విజయాలను అందుకుంది. అలాంటి ఈ సినిమాకి సీక్వెల్ గా 'దేవి 2' సినిమాని నిర్మించడం జరిగింది. కాగా... తాజాగా ఈ సినిమా నుండి ఒక టీజర్ విడుదల చేయబడింది.
ప్రభుదేవా.. తమన్నా.. నందిత శ్వేత.. కోవై సరళ వంటి ప్రధానమైన పాత్రలపై కట్ చేసిన ఈ టీజర్ చాలా ఆసక్తి కలిగిస్తోంది. ఏప్రిల్ 12వ తేదీన విడుదల కానున్న ఈ సస్పెన్స్తో కూడిన హారర్ సినిమా సక్సెస్ అయ్యే లక్షణాలు ఎక్కువగానే కనిపిస్తున్నాయి.
కాగా... ఏప్రిల్ 19న లారెన్స్ 'కాంచన 3' రానుంది. ప్రభుదేవా.. లారెన్స్లు ఇద్దరూ కొరియోగ్రఫర్లుగా ప్రారంభమై... దర్శకులుగానూ.. నటులుగానూ రాణించినవారే. అలాంటి ఈ ఇద్దరూ హారర్ కాన్సెప్ట్లతో చాలా తక్కువ గ్యాప్లో ప్రేక్షకుల ముందుకు వస్తూండడం విశేషమే మరి.