ఛోటా కె నాయుడు చేసింది #MeToo కిందికి వస్తుందా?

కవచం టీజర్ లాంఛ్ సందర్భంగా నటి కాజల్ అగర్వాల్ చిత్రం గురించి మాట్లాడుతూ.... మధ్యలో ఛోటా కె నాయుడు గురించి కూడా మాట్లాడింది. దీనితో స్టేజిపైన వున్న ఛోటా... వెంటనే ఆమె వద్దకు వెళ్లి... ప్చ్.... అంటూ పెద్ద శబ్దం చేస్తూ ముచ్చటగా ముద్దు ఇచ్చాడు. ఇపుడు దీనిపై చర్చ అయితే ఆగటంలేదు. దీనిని #MeToo కిందకే వస్తుందనీ, ఇలా స్టేజిపైన హీరోయిన్లను ఇంతకుముందు కూడా పలువురు నటులు ఇబ్బందిపెట్టిన ఘటనలు వున్నాయంటున్నారు. 

అలాంటివన్నీ ఇప్పుడు నెట్లో దర్శనమిస్తున్నాయి. బహిరంగంగా చేయడంతో హీరోయిన్లు కూడా ఏమీ అనలేని పరిస్థితి వుంటుందని, అక్కడ రియాక్టవ్వాలనుకున్నా ఆ పని చేయలేక తమలో తామే కుమిలిపోతుంటారని అంటున్నారు. కాబట్టి స్టేజిపైనా, ఫంక్షన్లలో ఎవరైనా వెకిలి వేషాలు వేస్తే తగిన గుణపాఠం చెప్పేవిధంగా ఫిలిమ్ ఇండస్ట్రీ చర్యలు తీసుకోవాలనే వాదనలు వస్తున్నాయి. మరి దీనిపై సినీ ఇండస్ట్రీ ఏమయినా జోక్యం చేసుకుంటుందేమో చూడాలి.