తన కుమార్తె సినీ రంగ ఎంట్రీపై సినీ నటి, ఏపీ మంత్రి ఆర్కే. రోజా స్పందించారు. తన కుమార్తె సినిమాల్లోకి వస్తానంటే తాను ప్రోత్సహిస్తానని తెలిపారు. అయితే, ఆమె శాస్త్రవేత్త కావాలన్నదే తమ కోరిక అని తెలిపారు. ఈమెకు అన్షుమాలిక, కృష్ణ అనే కుమార్తె, కుమారుడు ఉన్నారు. అయితే, గురువారం రోజా తన పుట్టిన రోజు వేడుకలను జరుపుకున్నారు. ఈ సందర్భంగా ఆమె తిరుమల శ్రీవారిని దర్శనం చేసుకున్నారు.
ఈ సందర్భంగా కుమార్తె సినీ రంగ ప్రవేశంపై ఆమె స్పందించారు. "యాక్టింగ్ కెరీర్‌ ఎంచుకోవడం తప్పు అని నేను ఎన్నడూ అనను. నా కుమార్తె, కొడుకు గనుక యాక్టింక్ చేయాలని సినిమా ఇండస్ట్రీకి వస్తే ఎంతో సంతోషంగా ఫీలవుతాను. కానీ నా కుమార్తె బాగా చదివి శాస్త్రవేత్త కావాలన్న ఆలోచన ఉందన్నారు. తను బాగా చదువుకోవాలన్నదే తన కోరిక అని అన్నారు. ఇప్పటికైతే ఆమెకు సినిమాల్లోకి వచ్చే ఆలోచన లేదన్నారు. ఒకవేళ సినిమాల్లోకి వచ్చినా ఓ తల్లిగా ఆశీర్వదిస్తాను. అండగా నిలబడతాను" అని అన్నారు.