టాలీవుడ్ లేడీ అబితాబ్ అనుష్క శెట్టి ఓ చిత్రంలో నటించనుంది. 'భాగమతి' తర్వాత ఆమె సంతకం చేసిన ప్రాజెక్టు ఇదే. ఈ చిత్రంలో హీరో మాధవన్ కాగా, చిత్రానికి "వస్తాడు నా రాజు" అనే చిత్ర ఫేమ్ హేమంత్ మధుకర్ దర్శకత్వం వహించనున్నాడు. ఈ విషయాన్ని ప్రముఖ కథా రచయిత కోన వెంకట్ తన ట్విట్టర్ ఖాతా ద్వారా వెల్లడించారు.
పీపుల్‌ మీడియా ఫ్యాక్టరీ బ్యానర్‌‌పై నిర్మించనున్న ఈ చిత్రానికి కోన వెంకట్ కథనందిస్తున్నారు. ఈ సినిమాలో ప్రముఖ నటుడు మాధవన్ సరసన అనుష్క నటించనుంది. 2019లో అమెరికాలో ఈ మూవీ షూటింగ్ మొదలుకానుంది. సుబ్బరాజు కీలక పాత్ర పోషించనున్నారు.
కొత్త చిత్రానికి అనుష్క కమిట్ కావడంతో అనుష్కకు ఈ యేడాది కూడా పెళ్లిలేనట్టుగానే చెప్పొచ్చు. అయితే, 'బాహుబలి' హీరో ప్రభాస్ మాత్రం 2019లో పెళ్లి పీటలెక్కడం ఖాయంగా తెలుస్తోంది.