టాప్ యాంకర్ శ్యామల అదిరే వంటకంతో ప్రేక్షకుల ముందుకు వచ్చింది. ఎప్పుడూ బిర్యానీ, గిర్యానీయేనా అంటూ స్పెషల్‌గా ఉండాలని రాగి సంకటిని చేసింది. రాయలసీమ స్పెషల్ రాగి సంగటితో పాటు నాటుకోడి చికెన్ కర్రీని అద్భుతంగా వండేసింది. శ్యామల ప్రిపేర్ చేసిన ఈ రెసిపీ చూస్తే మాత్రం నోరు ఊరకుండా ఉండదు. టాప్ యాంకర్ అయిన శ్యామల అప్పుడప్పుడు సినిమాల్లోనూ కనిపిస్తుంటుంది.
బుల్లితెర మీద ఎక్కువగా యాంకర్ రవితో కోయాంకర్ గా, సినిమా ఆడియో ఫంక్షన్లలో, లేడీస్ ప్రోగ్రామ్స్‌లో శ్యామల మెరుస్తుంటుంది. ఇక శ్యామల యూట్యూబ్ ఛానెల్ ప్రారంభించిన సంగతి అందరికి తెలిసిందే. అయితే తాజాగా శ్యామల చేసిన ఓ వంటకం వీడియో ప్రస్తుతం యూట్యూబ్‌లో హల్ చల్ చేస్తోంది.
రాయలసీమ అంటేనే రాగి సంగటి, నాటుకోడికి ఫేమస్. మనమంటే ఎప్పుడూ బిర్యానీ, బగారా తింటాం కానీ.. రాగి సంగటి ఆరోగ్యానికి ఎంతో మంచిది కూడా. నాటుకోడి, రాగి సంగటి అంటేనే మాంసాహారుల్లో ఎవరికైనా ఇట్టే నోరూరుతుందంటూ.. ఈ వంటకాన్ని ట్రై చేసింది. ఈ వీడియో ప్రస్తుతం నెట్టింట వైరల్ అవుతోంది.