రాజ‌మౌళి ద‌ర్శ‌క‌త్వంలో అల్లు అర్జున్ పాన్ ఇండియా మూవీ!

Rajamouli, Allu Arjun

ద‌ర్శ‌కుడు రాజ‌మౌళి ఇక‌పై పాన్ ఇండియా సినిమాల‌నే తీయ‌నున్న‌ట్లు తెలుస్తోంది. ఇప్పుడు ఆర్‌.ఆర్‌.ఆర్‌. సినిమా ఈనెల 25న విడుద‌ల‌కు సిద్ధ‌మైంది. ఈ చిత్రం త‌ర్వాత మ‌హేస్‌బాబుతో సినిమాకు రెడీ అయ్యారు. ఆ చిత్రానికి సంబంధించిన ప‌నుల‌న్నీ విజ‌యేంద్ర‌ప్ర‌సాద్‌, కీర‌వాణి చూసుకుంటున్నారు. తాజాగా అల్లు అర్జున్‌తో రాజ‌మౌళి ఓ సినిమా చేయ‌నున్నాడ‌ని సోష‌ల్ మీడియాలో ప్ర‌చారం జ‌రుగుతోంది. దీనిపై రాజ‌మౌళి క్లారిటీ ఇవ్వ‌క‌పోయినా మ‌రికొంత‌మంది స్టార్‌తో పాన్ ఇండియా మూవీ చేస్తాన‌ని సూచాయిగా ఆర్‌.ఆర్‌.ఆర్‌. ప్ర‌మోష‌న్‌లో చెప్పాడు.

ప్ర‌స్తుతం అల్లు అర్జున్ `పుష్ప‌2` సినిమాతో బిజీగా వున్నాడు. దీనికోసం మ‌రింత‌గా క‌ష్ట‌ప‌డానికి రెడీ అయ్యాడు. ఇదిలా వుండ‌గా, ఇటీవ‌లే బాలీవుడ్ దిగ్గ‌జం సంజ‌య్‌లీలా బ‌న్సాలీతో అల్లు అర్జున్ స‌మావేశ మ‌య్యారు. దీని ప‌ర్యావ‌సానం ఓ భారీ ప్రాజెక్ట్‌కే అని అర్థ‌మ‌వుతుంది. ఆ వివ‌రాలు త్వ‌ర‌లో తెలియ‌నున్నాయి.