మిస్ట‌ర్ మ‌జ్ను వ‌చ్చేది ఎప్పుడు..?

అక్కినేని అఖిల్ న‌టించిన ఫ‌స్ట్ మూవీ అఖిల్, రెండో చిత్రం హ‌లో. ఈ రెండు చిత్రాలు ఆశించిన స్ధాయిలో ప్రేక్ష‌కుల‌ను ఆక‌ట్టుకోలేక‌పోయాయి. దీంతో మూడ‌వ సినిమాగా చేస్తోన్న మిస్ట‌ర్ మ‌జ్ను సినిమా పై అఖిల్ తో పాటు అభిమానులు కూడా చాలా ఆశ‌లు పెట్టుకున్నారు. తొలిప్రేమ ఫేమ్ వెంకీ అట్లూరి ఈ చిత్రానికి ద‌ర్శ‌క‌త్వం వ‌హిస్తున్నాడు. బి.వి.ఎస్.ఎన్ ప్ర‌సాద్ ఈ చిత్రాన్ని నిర్మిస్తున్నారు. శ‌ర‌వేగంగా షూటింగ్ జ‌రుపుకుంటోన్న ఈ చిత్రాన్ని డిసెంబ‌ర్‌లో రిలీజ్ చేయాలి అనుకున్నారు కానీ...డిసెంబ‌ర్ లో చాలా సినిమాలు రిలీజ్ అవుతుండ‌డంతో మిస్ట‌ర్ మ‌జ్ను చిత్రాన్ని జ‌న‌వ‌రికి పోస్ట్ పోన్ చేసారు.

అయితే.. జ‌న‌వ‌రి మూడో వారంలో రిలీజ్ చేయాలి అనుకున్నారు. ఎన్టీఆర్ బ‌యోపిక్ 2 జ‌న‌వ‌రి మూడో వారంలో రిలీజ్ అని ఎనౌన్స్ చేయ‌డంతో మిస్ట‌ర్ మ‌జ్ను చిత్రాన్ని ఫిబ్ర‌వ‌రిలో రిలీజ్ చేద్దాం అనుకున్నారు. ఇప్పుడు ఎన్టీఆర్ బ‌యోపిక్ 2 ఫిబ్ర‌వ‌రిలో రిలీజ్ ప్లాన్ చేస్తున్నార‌ని తెలియ‌డంతో మిస్ట‌ర్ మ‌జ్ను చిత్రాన్ని జ‌న‌వ‌రిలో రిలీజ్ చేయాల‌నుకుంటున్నారు. అయితే.. పండ‌గ త‌ర్వాత మిస్ట‌ర్ మ‌జ్ను రిలీజ్ అని ప్ర‌చారం జ‌రుగుతోంది కానీ.. పండ‌గ కంటే ముందుగానే రిలీజ్ చేయాల‌నుకుంటున్నార‌ట‌. అదీ.. సంగ‌తి.