విశేషంగా ఆక‌ట్టుకుంటోన్న‌ మిస్టర్ మజ్ను హార్ట్ బ్రేక్ సాంగ్

అఖిల్ అక్కినేని హీరోగా శ్రీవెంకటేశ్వర సినీ చిత్ర ఎల్‌ఎల్‌పి పతాకంపై తొలిప్రేమ ఫేం వెంకీ అట్లూరి దర్శకత్వంలో భారీ నిర్మాత బి.వి.ఎస్.ఎన్.ప్రసాద్ నిర్మిస్తున్న యూత్‌పుల్ ఎంటర్‌టైనర్ మిస్టర్ మజ్ను. ప్రస్తుతం ఈ చిత్రం చిత్రీకరణ దశలో ఉంది. అన్ని కార్యక్రమాలు పూర్తి చేసి జనవరి 25న  ఈ చిత్రాన్ని విడుదల చేసేందుకు సన్నాహాలు చేస్తున్నారు. ఇటీవల ఈ చిత్రానికి సంబంధించి విడుదలైన ఏమైనదో.. ఏమైనదో.. పలుకు మరచినట్టు పెదవికేమైనదో.., టైటిల్ సాంగ్‌కు అద్భుతమైన రెస్పాన్స్ వస్తోంది. కాగా, ఈ చిత్రంలోని హార్ట్ బ్రేక్ సాంగ్ నాలో నీకు.. నీలో నాకు ఇక సెల‌వేనా...ప్రేమ కానీ ప్రేమ వ‌దులుకుంటున్నా...అనే సాంగ్ ను విడుదల చేసారు. 

ఈ సాంగ్ విన్న వెంట‌నే న‌చ్చేట్టుగా ఉంది. త‌మ‌న్ ఈ పాట‌కు అద్భుతంగా సంగీతం అందించాడు. అఖిల్ అక్కినేని సరసన నిధి అగర్వాల్ హీరోయిన్‌గా నటిస్తున్న ఈ చిత్రంలో నాగబాబు, ప్రియదర్శి, జయప్రకాష్, హైపర్ ఆది ఇతర ముఖ్యపాత్రలు పోషిస్తున్నారు. 

ఈ చిత్రానికి సంగీతం: థమన్, పాటలు: శ్రీమణి, సినిమాటోగ్రఫీ: జార్జ్ సి. విలియమ్స్, ఎడిటింగ్: నవీన్ నూలి, ఆర్ట్: అవినాష్ కొల్లా, కొరియోగ్రఫీ: శేఖర్, నిర్మాత: బి.వి.ఎస్.ఎన్.ప్రసాద్, కథ, స్క్రీన్‌ప్లే, దర్శకత్వం: వెంకీ అట్లూరి.