రాహుల్ కృష్ణ, ప్రియాంక నోముల హీరో హీరోయిన్లుగా సందీప్ రాజ్ దర్శకత్వంలో సందీప్ రాజ్ ఫిలిమ్‌, వాసవి త్రివేది ప్రొడక్షన్స్ సంయుక్తంగా నిర్మిస్తున్న చిత్రం `అగ్రజీత`. ఈ చిత్రాన్ని ఆస్ట్రేలియా దేశంలో డాండెనాంగ్ సిటీలోని శివ విష్ణు ఆలయంలో ఘనంగా ప్రారంభించారు. ఈ అగ్రజీత చిత్రాన్ని ఆద్యంతం ఆస్ట్రేలియాలోనే చిత్రీకరిస్తారు.
ఈ సందర్భంగా దర్శకుడు సందీప్ రాజ్మాట్లాడుతూ "అగ్రజీత ఒక భిన్నమైన కథ. ఒక జీవి మరణం అనంతరం తన జ్ఞాపకాలను అణువు ద్వారా మరో జీవిలోకి వెళ్లే ఒక శాస్త్రీయ కథ. మంచి కథతో మంచి గ్రాఫిక్ విలువలతో చిత్రాన్ని నిర్మిస్తున్నాం. ఈ చిత్రాన్ని మొత్తం ఆస్ట్రేలియా దేశంలోనే చిత్రీకరిస్తాం. మా చిత్రానికి రెగ్యులర్ షూటింగ్ మొదలైయింది" అని తెలిపారు.
ఈ చిత్రానికి కెమెరా, ఎడిటింగ్ : సందీప్ రాజ్, సంగీతం : సిద్ధార్థ్ వాట్కిన్స్, కథ, కో డైరెక్టర్ : కృష్ణ రెడ్డి లోక, స్క్రీన్ ప్లే, డైరెక్షన్: సందీప్ రాజ్.