మళ్లీ నటిస్తానంటున్న రేణూ దేశాయ్.. పవన్ ఫ్యాన్స్ ఏమంటారో? (video)

పవర్ స్టార్ పవన్ కళ్యాణ్ మాజీ భార్య, సినీ నటి రేణూ దేశాయ్ మళ్లీ నటిస్తానంటోంది. త్వరలోనే ఆమె కెమెరా ముందుకురానుందట. అదీ కూడా మూవీలో కాదు. ఓ వెబ్ సిరీస్‌లో నటించేందుకు సమ్మతం తెలిపి, సంతకం కూడా చేయడం జరిగిపోయిందట. అయితే, ఆమె మళ్లీ కెమెరా ముందుకు వస్తుండటం పట్ల పీకే ఫ్యాన్స్ ఎలాంటి కామెంట్స్ చేస్తారో అని సందేహాలు ఉత్పన్నమవుతున్నాయి. 

నిజానికి పవన్‌తో తెగదెంపులు చేసుకున్న తర్వాత రేణూ దేశాయ్ ఒంటరిగా ఉంటూ వస్తోంది. ఈ క్రమంలో ఇష్క్ వాలా లవ్ అనే చిత్రాన్ని నిర్మించారు. ఈ క్రమంలో ఆమె మళ్లీ నటించనున్నారనే వార్తల గత కొన్ని రోజులుగా ఫిల్మ్ ఇండస్ట్రీలో హల్చల్ చేస్తోంది. ఈ క్రమంలో ఈ వార్తలను ఆమె ధ్రువీకరించారు. ఓ అందమైన వెబ్ సిరీస్ కోసం సంతకం చేసినట్టు రేణు ప్రకటించారు. త్వరలోనే ఈ ప్రాజెక్టుకు సంబంధించి మరిన్ని వివరాలు వెల్లడించనున్నట్టు చెప్పారు. ఈ సందర్భంగా ఫొటోషూట్ స్టిల్‌ను షేర్ చేశారు.

'మళ్లీ కెమెరా ముందుకు వస్తున్నందుకు చాలా సంతోషంగా, ఉత్సాహంగా ఉందని, వచ్చే నెలలో షూటింగ్ ప్రారంభం కాబోతుందని పేర్కొన్నారు. ఈ ప్రయాణంలో అందరి ఆశీర్వాదాలు, ప్రేమ కావాలని కోరారు. ఎంఆర్ కృష్ణ మామిడాల దర్శకుడిగా సాయికృష్ణ ప్రొడక్షన్స్ పతాకంపై డీఎస్ రావు, ఎస్. రజనీకాంత్ ఈ సినిమాను నిర్మిస్తున్నారు. నిజం, న్యాయం కోసం పోరాడే ఓ బలమైన మహిళ కథ ఇదని' రేణు తెలిపారు. 

\