బీహార్ రాష్ట్రానికి చెందిన బాలీవుడ్ హీరో సుశాంత్ సింగ్ రాజ్‌పుత్ ఆత్మహత్య చేసుకున్న తర్వాత ఆయనకు సంబంధించి అనేక తెరవెనుక విషయాలు వెలుగులోకి వచ్చాయి. ముఖ్యంగా, సుశాంత్ డ్రగ్స్ సేవించేవాడని తేలింది. అలాగే, పలువురు హీరోయిన్లతో డేటింగ్‌లో మునిగితేలినట్టు వార్తలు గుప్పుమంటున్నాయి. ఈ విషయంలో ఇప్పటికే పలువురు పేర్లు తెరపైకి వచ్చాయి. తాజాగా కృతిసనన్ పేరు కూడా వచ్చింది. సుశాంత్ - కృతి సనన్‌లు డేటింగ్‌ రిలేషన్‌లో ఉన్నారని బాలీవుడ్ నటి లిజా మాలిక్ వ్యాఖ్యానిస్తోంది.
ఇదే అంశంపై ఆమె స్పందిస్తూ, 'దాదాపు రెండేళ్ల క్రితం కృతిసనన్ పుట్టినరోజు వేడుకలో సుశాంత్‌ని కలిశాను. ముంబైలోని బాంద్ర క్లబ్‌లో జరిగిన ఈ పార్టీలో సుశాంత్ ఎంతో సంతోషంగా కనిపించాడు. ఆ వేడుకకు వచ్చిన ప్రతి ఒక్కర్నీ నవ్వుతూ పలకరించాడు. కృతిసనన్‌తో పాటు సుశాంత్ కూడా అందరిని రిసీవ్‌ చేసుకుంటూ డ్రింక్స్‌ అందిస్తూ.. డ్యాన్స్‌ చేస్తూ ఆనందంగా వున్నాడు. ఆరోజు కృతి - సుశాంత్ ముఖాల్లో కొత్త వెలుగు కనిపించింది. వాళ్లిద్దరిని అలా చూస్తే రిలేషన్‌లో వున్నారని నాకు అనిపించింది. ఈ ఇద్దరు డేటింగ్‌లో వున్నారని పలు మాధ్యమాల్లో వచ్చినప్పటికీ ఎన్నోసార్లు ఇద్దరు కలిసి బయటికి వచ్చేవారు' అని లిజా గుర్తు చేశారు.