సుక్కు మళ్లీ ఆ హీరోతోనే ప్లాన్ చేస్తున్నాడా..?

క్రియేటీవ్ డైరెక్టర్ సుకుమార్... ప్రస్తుతం స్టైలీష్ స్టార్ అల్లు అర్జున్‌తో పుష్ప సినిమా చేస్తున్న విషయం తెలిసిందే. భారీ చిత్రాల నిర్మాణ సంస్థ మైత్రీ మూవీ మేకర్స్ ఈ సినిమాని నిర్మిస్తుంది. బన్నీ- రష్మిక జంటగా నటిస్తున్న ఈ మూవీ పాన్ ఇండియా మూవీగా రూపొందుతోంది. ఇప్పటికే ఈ సినిమా సెట్స్ పైకి వెళ్లాలి కానీ.. కరోనా కారణంగా ఇంకా షూటింగ్ స్టార్ట్ కాలేదు.

సుకుమార్ షూటింగ్ స్టార్ట్ చేయడానికి రెడీగానే ఉన్నప్పటికీ... బన్నీ మాత్రం కరోనా కేసులు తగ్గేవరకు షూటింగ్ వద్దు అని చెప్పేసాడట. ఈ గ్యాప్‌లో సుకుమార్ ఓ డిఫరెంట్ స్టోరీ రెడీ చేసాడని తెలిసింది. ఇంతకీ.. ఈ కథ ఎవరి కోసం అంటే... మెగా పవర్ స్టార్ రామ్ చరణ్‌ కోసమని టాలీవుడ్‌లో టాక్ వినిపిస్తుంది. గతంలో చరణ్ - సుకుమార్ కాంబినేషన్లో రంగస్థలం చిత్రం రూపొందడం.. ఆ సినిమా బ్లాక్ బస్టర్ సొంతం చేసుకోవడం తెలిసిందే.

ఈ మూవీ చరణ్‌ కెరీర్లో ఎప్పటికీ మరచిపోలేని సినిమాగా నిలిచింది. అయితే.. చరణ్‌ ప్రస్తుతం ఆర్ఆర్ఆర్ మూవీ చేస్తున్నారు. ఈ సినిమా తర్వాత చరణ్‌ చేసే సినిమా ఏంటి అనేది ఇంకా ఫైనల్ కాలేదు. త్వరలో సుకుమార్.. చరణ్‌‌కి కథ చెప్పనున్నారట. అన్నీ అనుకున్నట్టు జరిగితే... చరణ్‌ - సుకుమార్ కాంబినేషన్ మరోసారి ప్రేక్షకుల ముందుకు రావచ్చు. మరి.. ఏం జరగనుందో చూడాలి.