మెగా ప‌వ‌ర్ స్టార్ రామ్ చరణ్ ప్ర‌స్తుతం బోయపాటి శ్రీనుతో సినిమా చేస్తున్నాడు. ఇటీవ‌ల ఈ సినిమా షూటింగ్‌లో చరణ్ పాల్గొన్నాడు. కైరా అద్వానీ కథానాయికగా నటిస్తోన్న ఈ సినిమాకి ఇంకా టైటిల్‌ను ఖరారు చేయలేదు. చరణ్.. కైరా అద్వానీ.. స్నేహ.. తమిళ సీనియర్ హీరో ప్రశాంత్ కాంబినేషన్‌లో బోయపాటి కొన్ని సీన్స్‌ను షూట్ చేశారు.
అయితే.... ఆ సన్నివేశాలను చిత్రీకరించిన విధానం చరణ్‌కి ఎందుక‌నే న‌చ్చ‌లేద‌ట. అందుచేత ఆ ఆర్టిస్టుల డేట్స్ మళ్లీ తీసుకుని.. రీ షూట్ పెట్టమని బోయపాటికి చరణ్ చెప్పాడ‌ని జోరుగా ప్ర‌చారం జ‌రుగుతోంది. ఈ సినిమా నెక్ట్స్ షెడ్యూల్‌ను బ్యాంకాక్‌లో ప్లాన్ చేశారు.
ఈ నెల 12వ తేదీ నుంచి ఓ 15 రోజుల పాటు అక్కడ షూటింగ్ జరపనున్నారు. అక్కడి నుంచి తిరిగి వచ్చాక.. చరణ్ చెప్పిన సీన్స్ రీ షూట్ పెట్టుకుంటారట. దసరాకి ఈ సినిమాని రిలీజ్ చేయాలిన ప్లాన్ చేస్తున్నారు. మ‌రి.. అనుకున్న‌ట్టుగా దసరాకి ఈ సినిమాని రిలీజ్ చేసి.. 'రంగ‌స్థ‌లం' ఇచ్చిన స‌క్స‌స్‌ని కంటిన్యూ చేస్తాడా..? అనేది తెలియాలంటే కొన్ని రోజులు వెయిట్ చేయాల్సిందే..!