అక్కినేని నాగ చైత‌న్య హీరోగా చందు మొండేటి ద‌ర్శ‌క‌త్వంలో రూపొందిన తాజా చిత్రం సవ్యసాచి. ఈ చిత్రాన్ని భారీ చిత్రాల నిర్మాణ సంస్థ మైత్రీ మూవీ మేక‌ర్స్ సంస్థ నిర్మించింది. వైవిధ్య‌మైన క‌థాంశంతో రూపొందిన ఈ చిత్రంలో మాధవన్ విల‌న్‌గా న‌టించారు. త‌మిళ విభిన్న క‌థా చిత్రాల్లో న‌టించే మాధ‌వ‌న్‌కు తెలుగులో ఇదే ఫ‌స్ట్ స్ట్రెయిట్ మూవీ కావ‌డం విశేషం. ఇదిలావుంటే... మాధవన్ స‌వ్య‌సాచిలో న‌టించేందుకు ఓ కండిషన్ పెట్టార‌ట.
ఆ కండీష‌న్‌కి ఓకే అంటేనే స‌వ్య‌సాచిలో న‌టిస్తాన‌ని చెప్పార‌ట. ఇంత‌కీ ఆ కండీష‌న్ ఏంటంటే... సవ్యసాచి చిత్రాన్ని తమిళంలో విడుదల చేయకూడదు అని. అందుకు దర్శకుడు చందు మొండేటి, నిర్మాతలు సరే అన‌డంతో మాధవన్ సినిమా చేశారట. అందుచేత‌నే ఈ సినిమాను తమిళంలో డబ్బింగ్‌ చేయలేదు అని తెలిసింది.
సాధారణంగా పరభాషా నటీనటులు తెలుగు సినిమాల్లో ప్రధాన పాత్రలు పోషిస్తే… ఆ భాషలో డబ్బింగ్‌ చేసి విడుదల చేయడం ద్వారా నిర్మాతలకు కొంత లాభం వస్తుంది. కానీ ఇచ్చిన మాట ప్ర‌కారం అలా చేయ‌లేద‌ట. అస‌లు మాధవన్ ఎందుకు అలా కండీష‌న్ పెట్టారంటే... ఈ చిత్రం తమిళంలో విడుదల చేస్తే, తను హీరోగా చేసే సినిమాలపై, కెరీర్‌పై ఎఫెక్ట్‌ పడుతుందని మాధవన్ ఈ కండీష‌న్ పెట్టార‌ట. అదీ సంగ‌తి..!