చియాన్ విక్రమ్ తనయుడు, యువకుడు ధృవ్ విక్రమ్‌తో మలయాళ బ్యూటీ అనుపమ పరమేశ్వరన్ డేటింగ్ చేస్తున్నట్టు కోలీవుడ్‌లో పుకార్లు వినిపిస్తున్నాయి. వీరిద్దరికి సంబంధించిన ఓ ప్రైవేట్ ఫోటో ప్రస్తుతం నెట్టింట వైరల్‌గా మారింది. ఇందులో వీరిద్దరూ ముద్దు పెట్టుకుంటూ కనిపించారు. దీంతో వీరిద్దరూ డేటింగ్‌లో ఉన్నారంటూ స్థానిక పత్రికల్లో వార్తలు చక్కర్లు కొడుతున్నాయి.
మరోవైపు, వీరిద్దరూ బైసన్ సినిమాలో నటిస్తున్నారు. మారి సెల్వరాజ్ దర్శకత్వంలో రూపొందుతున్న ఈ సినిమాలో ధృవ్ కబడ్డీ ప్లేయర్‌గా కనిపించనున్నారు. ఇందులో అనుపమ ఆయన ప్రియురాలి పాత్రలో నటిస్తుంది. ప్రస్తుతం వైరల్‌గా మారిన ఫోటో ఆ సినిమాకు సంబంధించినదే అయి ఉంటుందని కొంతమంది నెటిజన్లు అంటున్నారు.
కాగా కేరళ రాష్ట్రానికి చెందిన అనుపమ పరమేశ్వరన్... 'ప్రేమమ్' చిత్రం ద్వారా నటిగా ఎంట్రీ ఇచ్చి, తన తొలి చిత్రంతోనే ఆకట్టుకున్నారు. ఆ తర్వాత "అ.. ఆ..." అనే చిత్రంలో నటించి తెలుగు వెండితెరకు పరిచయమై వరుస చిత్రాల్లో నటిస్తున్నారు. గత యేడాది ఆమె నటించిన "టిల్లు స్క్వేర్" మంచి విజయాన్ని అందుకుంది. ప్రస్తుతం ఆమె పరదా అనే తెలుగు సినిమాతోపాటు పలు మలయాళం, తమిళ ప్రాజెక్టులు చేస్తున్నారు.