దీపావళి పండుగ అంటే నాకు చాలా ఇష్టం. చిన్నప్పటి నుంచి ప్రతి దీపావళిని ఇంటికి వెళ్ళి కుటుంబ సభ్యులతో కలిసి జరుపుకోవడం నాకు ఇష్టం. ఎంత బిజీగా ఉన్నా.. అవన్నీ పక్కనబెట్టి కుటుంబ సభ్యులతోనే గడపాలని చూస్తా. అయితే దీపావళికి టపాసులు కాల్చను. స్వీట్లు తినను. కానీ పండుగను సెలబ్రేట్ చేస్కుంటాను అంటోంది మెహరీన్.
చిన్నప్పటి నుంచి స్వీట్లు బాగా తినడం నాకు అలవాటు. టపాసుల కాల్చడం మొదలెట్టానంటే ఇక కాలుస్తూనే ఉండాలి. టపాసులు అయిపోతే ఒప్పుకోను. మా నాన్న దగ్గరుండి మరీ టపాసులు కొనిచ్చేస్తారు. నీకు ఎంత కావాలమ్మా అని అడుగుతారు. అడిగి మరీ ఎంత కావాలంటే అంత తీసిస్తారు. ఇప్పటికే మా ఇంట్లో నేనంటే అందరికీ బాగా ఇష్టం. అందులోను ముంబైలో కొత్త ఇళ్ళు కొన్నాం. గృహప్రవేశం కూడా దీపావళి రోజు సాయంత్రమే పెట్టుకున్నాం. రోజంతా బిజీబిజీగా కుటుంబ సభ్యులతో గడుపుతానంటోంది మెహరీన్. తమ్ముడు నాతోనే ఎక్కువ సేపు గడపాలనుకుంటాడని చెబుతోంది మెహరీన్.