ఓ వృద్ధుడు, ఓ మహిళ పెట్టుకున్న అనేక అక్రమ సంబంధాలను ఓ రోలెక్స్ వాచీ బహిర్గతం చేసింది. ఆ స్త్రీపురుషుడి బాగోతం తెలుసుకున్న పోలీసులు ఒక్కసారి అవాక్కయ్యారు. ఈ ఘటన హైదరాబాద్ నగరంలో వెలుగులోకి వచ్చింది. ఈ వివరాలను పరిశీలిస్తే,
హైదరాబాద్ నగరంలోని ఎమ్మెల్యే కాలనీకి చెందిన 70 యేళ్ల వృద్ధుడు ఒకరు బంజారా హిల్స్ పోలీసులకు ఒక ఫిర్యాదు ఇచ్చాడు. 20 లక్షల రూపాయల విలువ చేసే వాచీ చోరీకి గురైందని ఆ వృద్ధుడు ఆ ఫిర్యాదులో పేర్కొన్నాడు. దీంతో కేసు నమోదు చేసిన పోలీసులు.. దర్యాప్తు చేపట్టారు.
ఈ విచారణలో పోలీసులకు విస్తుపోయే నిజం తెలిసింది. ఆ వాచ్‌ను చోరీ చేసింది ఆ వృద్ధుడి ప్రియురాలే అని తేలింది. ఇందుకోసం ఆ మహిళ మరో ప్రియుడి సహాయం కూడా తీసుకున్నట్టు తేలింది. ఇంతటితో ఈ కేసు ముగిసిపోలేదు.
తాను వాచీ చోరీ చేసినట్టు పోలీసులు గుర్తించడంతోనే ఆ మహిళ తిరగబడింది. తనపై వృద్ధుడు అత్యాచారం చేశాడంటూ అదే పోలీసులకు ఫిర్యాదు చేసింది. ఇందుకు సంబంధించి తామిద్దరం ఏకాంతంకంగా గడిపిన ఫోటోలు, వీడియో ఆధారాలను పోలీసులకు సమర్పించింది.
ఆ తర్వాత వృద్ధుడు వద్ద పోలీసులు విచారణ జరిపారు. ఈ విచారణలో వృద్ధుడు ముగ్గురు మహిళలతో అక్రమ సంబంధం పెట్టుకున్నట్టు తేలింది. వీరిలో తన రోలెక్స్ వాచీని చోరీ చేసిన యువతి కూడా ఉంది. అంతేకాదండోయ్.. ఆ మహిళ కూడా ఇద్దరు వ్యక్తులతో వివాహేతర సంబంధం కొనసాగిస్తున్నట్టు పోలీసుల విచారణలో తేలింది. మొత్తంమీద వృద్ధుడు, మహిళ అక్రమ రంకుబాగోతాన్ని రోలెక్స్ వాచీ బయటపెట్టింది.