హైదరాబాదులో ఒమిక్రాన్‌ వేరియంట్ బిఎ4 తొలి కేసు?

హైదరాబాదులో ఒమిక్రాన్‌కి చెందిన సబ్ వేరియంట్ బిఎ 4 తొలి కేసు నమోదైంది. ఒమిక్రాన్ సబ్ వేరియంట్ బిఎ4 ఈ కేసు నమోదైనట్లు తెలుస్తోంది. ఆఫ్రికా నుంచి వచ్చిన సదరు వ్యక్తితో కాంటాక్టులోకి వచ్చిన వారిని గుర్తించే పనిలో అధికారులు నిమగ్నమయ్యారు. 

ఈ ఒమిక్రాన్ సబ్ వేరియంట్ బిఏ4 కేసు గురించి ఇప్పటి వరకు కేంద్ర వైద్య ఆరోగ్య శాఖ నుంచి ఎలాంటి అధికారిక ప్రకటన చేయలేదు. 

ఆఫ్రికాకు చెందిన వ్యక్తి హైదరాబాద్‌కి రాగా.. హైదరాబాద్ ఎయిర్ పోర్టులో జరిపిన వైద్య పరీక్షల్లో అతడికి ఈ సబ్ వేరియంట్ సోకినట్టు సమాచారం. అయితే, అతడికి లక్షణాలు లేకపోవడంతో తిరిగి ఈనెల 16వ తేదీనే అతడు ఆఫ్రికా వెళ్లిపోయాడు.

ఆఫ్రికా నుంచి వచ్చిన వ్యక్తిలో గుర్తించినది ఒమిక్రాన్‌కి సబ్ వేరియంట్ బిఎ 4 అవునో కాదో అనే విషయం నిర్ధారించుకునేందుకు అతడి శాంపిల్స్‌ని ఇండియన్ సార్స్-కొవిడ్ 2 కన్సార్టియం ఆన్ జెనోమిక్స్ (ఇన్సాకోగ్)కి పంపించారు. 

ప్రస్తుతం కన్సార్టియం నుంచి నివేదిక రావాల్సి ఉంది. కన్సార్టియం నుంచి అధికారిక ప్రకటన వెలువడితే కానీ ఈ సబ్‌వేరియంట్ కేసుపై ఓ క్లారిటీ వచ్చే అవకాశం కనిపించడం లేదు.