తెలంగాణలో డేరా బాబా.. ఇంటర్ ఫెయిల్.. మహిళపై అకృత్యం

తెలంగాణలో డేరా బాబాలాంటి వ్యక్తి అవతారమెత్తాడు. దొంగ బాబాల సంగతి అనేకాలు వెలుగులోకి వస్తున్నా.. ప్రజలు మూఢనమ్మకాలతో బాబాలను నమ్ముతున్నారు. తాజాగా దుబ్బాక మండలం చీకోడ్‌లో ఓ వ్యక్తి సమర్ధ మహారాజ్‌ పేరుతో స్వామీజీ అవతారమెత్తాడు. వివకాల్లోకి వెళితే.. ధర్మాజీ పేటకు చెందిన రఘు అనే వ్యక్తి ఇంటర్‌ ఫెయిల్ అయ్యాడు. దీంతో ఇక చదువుకుంటే లాభం లేదని.. బాబా అవతారం ఎత్తాడు. 

అయితే బాబా అని నమ్మిన ఓ మహిళ ఇతడి వద్దకు వచ్చింది. సదరు మహిళ ఓ అమ్మవారి గుడికట్టాలని సంకల్పించింది. దీన్ని ఆసరాగా తీసుకున్న బాబా.. ఆమెపై కన్నేశాడు. అతడి శిష్యుడు నరేష్‌తో కలిసి సదరు మహిళపై అత్యాచారానికి పాల్పడినట్లు తెలుస్తోంది. 

ఈ ఘటనపై బాధితురాలు పోలీసులకు ఫిర్యాదు చేసింది. దీంతో బాబాగా చెలామణి అవుతున్న రఘపై, ఆయన శిష్యుడు నరేష్‌లపై పోలీసులు సెక్షన్‌ 420,376,508,109 కింద కేసులు నమోదు చేశారు. ప్రస్తుతం నరేష్‌ను అదుపులోకి తీసుకోగా.. రఘు పరారీలో ఉన్నాడు.