ఆ అమ్మాయితో వాట్సప్ ఛాటింగ్ ఏంట్రా?: తండ్రి మందలించడంతో కొడుకు ఆత్మహత్య

మొబైల్ ఫోన్లు వచ్చాక ఇప్పుడు వాట్సప్ చాటింగులు, వీడియో కాలింగులు మామూలైపోయాయి. తెలిసీ తెలియని వయసులో పిల్లలు ఆ ఫోన్లలో చేసుకునే చాటింగులు, వీడియో కాల్స్ ఆ తర్వాత కాలంలో ప్రాణాల మీదికి వస్తున్నాయి. ఇటువంటి విషాదకర ఘటన తెలంగాణ లోని భద్రాద్రి కొత్తకూడెం జిల్లా చుంచుపల్లిలో జరిగింది.

9వ తరగతి చదువుతున్న బాలుడు మనోజ్ తను చదువుతున్న పాఠశాల లోని 7వ తరగతి విద్యార్థినితో వాట్సప్ చాటింగ్ చేస్తున్నాడు. ఈ ఛాటింగ్ చూసిన తల్లిదండ్రులు... అమ్మాయితో ఏంట్రా వాట్సప్ చాటింగ్ అంటూ మందలించారు. దీనితో మనస్తాపానికి గురైన బాలుడు ఆత్మహత్య చేసుకుని ప్రాణం తీసుకున్నాడు.

క్రమశిక్షణలో పెట్టేందుకు కాస్త కటువుగా మాట్లాడినందుకు కుమారుడు ప్రాణాలు తీసుకోవడంతో తల్లిదండ్రులు కన్నీటిపర్యంతమవుతున్నారు. బాలుడి తండ్రి ఫిర్యాదు చేయడంతో కేసు నమోదు చేసుకుని దర్యాప్తు చేస్తున్నారు పోలీసులు.