ఫ్రెంచ్ సైక్లిస్ట్ అద్భుత ఫీట్.. 33 అంతస్తులను సైకిల్‌పై ఎక్కి ఔరా అనిపించాడు..

French Cyclist

ఫ్రైంచ్‌ సైక్లిస్ట్‌ అసాధారణ ఫీట్‌తో ఔరా అనిపించాడు. 33 అంతస్తులను సైకిల్‌పై అవలీలగా అరగంటలోనే చేరుకున్నాడు. సైక్లిస్ట్‌, మౌంటెన్‌ బైకర్‌ అరిలిన్‌ ఫాంటెనయ్‌ ట్రినిటీ టవర్‌లో 33 అంతస్తుల్లోని 768 మెట్లను కాలిని కిందపెట్టకుండా సైకిల్‌పైనే ఎక్కాడు.

33వ ఫ్లోర్‌కు చేరుకున్న తర్వాత కాలు కిందపెట్టిన అరిలిన్‌ సైకిల్‌ను తన భుజాలపైకి ఎత్తుకున్నాడు. పుటిక్స్‌లో కొత్తగా ప్రారంభమైన ఆకాశహార్మ్యం ట్రినిటీ టవర్ అరిలిన్‌ అసాధారణ టాస్క్‌కు వేదికగా నిలిచింది.

అరిలిన్‌ 33 అంతస్తులను సైకిల్‌పై చేరుకున్న వీడియో వైరల్‌ అవుతోంది. చివరి అంతస్తును చేరుకునే సమయంలో మెటల్‌ ఫ్లోరింగ్‌ జారుడుగా ఉండటంతో కొంత తడబడినట్టు వీడియోలో కనిపించింది. 

33 అంతస్తులను ఎక్కాలని తాను చేపట్టిన ఛాలెంజ్‌ విజయవంతమవుతుందని అనుకోలేదని, ఎక్కువ ఫ్లోర్‌లు ఎక్కుతున్న కొద్దీ తన భుజాలు, కాళ్ల కింద నొప్పి తీవ్రమైందని అరిలిన్‌ చెప్పుకొచ్చాడు. చివరి అంతస్తుకు చేరుకోగానే ఎలాంటి పొరపాట్లు చేసేందుకు అవకాశం ఇవ్వకుండా ముందుకు వెళ్లానని ఈ ఫీట్‌ సాధించడం పట్ల సంతోషంగా ఉన్నానని అన్నాడు.