ఒక వైపు భార్యకు గులాము, మరొకవైపు డబ్బుకు గులాము...

కామినీ కాంచనాల నడుమ జీవిస్తుంటే యోగం ఎలా సిద్దిస్తుంది. వాటి నడుమ అనాసక్తుడై జీవించడం చాలా కష్టం... ఒక వైపు భార్యకు గులాము, మరొకవైపు డబ్బుకు గులాము, ఇంకొక వైపు తాను పని చేసే యజమానికి గులాము. దీనికి ఉదాహరణగా ఒక కథ చెబుతాను... అది డిల్లీ పాదూషాగా అక్బర

Webdunia
మంగళవారం, 8 మే 2018 (20:34 IST)
కామినీ కాంచనాల నడుమ జీవిస్తుంటే యోగం ఎలా సిద్దిస్తుంది. వాటి నడుమ అనాసక్తుడై జీవించడం చాలా కష్టం... ఒక వైపు భార్యకు గులాము, మరొకవైపు డబ్బుకు గులాము, ఇంకొక వైపు తాను పని చేసే యజమానికి గులాము. దీనికి ఉదాహరణగా ఒక కథ చెబుతాను... అది డిల్లీ పాదూషాగా అక్బర్ రాజ్యం చేసే కాలం. ఆ రాజ్యంలో ఒక ఫకీరు అడవిలో ఒక కుటీరంలో నివసించేవాడు. ఫకీరు వద్దకు తరచూ సందర్శకులు వస్తుండేవారు. ఆ వచ్చిన వారికి బాగా మర్యాద చేయాలని ఫకీరుకు ఎంతో కోరికగా ఉండేది. అయితే అందుకు ధనం కావాలి కదా.
 
అందుకని అతడు ఇలా తలచాడు. అక్బరు వద్దకు వెళ్లి ఇందు నిమిత్తం ధనం యాచిస్తాను. అక్బరు ఇంటి తలుపులు సాధువులకు, ఫకీర్లకు ఎల్లప్పుడూ తెరిచే ఉంటాయి కదా... అనుకుని అక్బరు వద్దకు బయలుదేరాడు. ఫకీరు అక్బరు వద్దకు వెళ్లిన సమయంలో ఆయన నమాజు చేస్తున్నాడు. ఫకీరు కూడా అక్కడే కూర్చున్నాడు. అక్బరు నమాజు చేసేటప్పుడు యా అల్లా నాకు సిరిసంపదలు ప్రసాదించు...... అంటూ ప్రార్థించడం ఫకీరు విన్నాడు. అది వినగానే ఫకీరు లేచి వెళ్లిపోసాగాడు. అక్బరు సైగ చేసి అతణ్ణి ఆగమని చెప్పాడు. నమాజు పూర్తి చేశాక ఆయన ఫకీరును మీరు వచ్చి కూర్చున్నారు, మళ్లీ వెళ్లిపోతున్నారే... మీ రాకకు కారణం ఏమిటి అని అడిగాడు. అందుకు ఫకీరు ఇది పాదుషా వారు వినవలసిన విషయం కాదు. నేను వెళతాను అన్నాడు. 
 
కారణం ఏమిటో చెప్పమని అక్బరు పట్టుబట్టడంతో ఫకీరు ఇలా చెప్పాడు. నా కుటీరానికి ఎంతోమంది అతిథులు వస్తూ ఉంటారు. వారికి మర్యాద చేయడానికి అవసరమైన ధనం యాచించే నిమిత్తం ఇక్కడకు వచ్చాను. మరి అలాంటప్పుడు ధనం కోరకుండానే వెళ్లిపోతున్నారెందుకు అని అక్బరు అడగడంతో ఫకీరు ఇలా బదులిచ్చాడు. నువ్వు కూడా సిరిసంపదల కోసం యాచించడం చూశాను. అలాంటప్పుడు ఒక యాచకుని మళ్లీ యాచించడమెందుకు.... కావాలంటే ఆ అల్లానే యాచిద్దామనుకుని వెళ్లిపోతున్నాను అని చెప్పి అక్కడి నుంచి వెళ్లిపోయాడు.
-శ్రీరామకృష్ణ పరమహంస  

సంబంధిత వార్తలు

అన్నీ చూడండి

తాజా వార్తలు

వాహనాలపై పిల్లల్ని తీసుకెళ్లే తల్లిదండ్రులూ, జాగ్రత్త: సజ్జనార్ ఐపీఎస్ సూచనలు

వందేమాతరం గీతంపై హోం మంత్రిత్వ శాఖ కొత్త నిబంధనలు

మీ కుటుంబ సభ్యులకు ప్రాణహాని తప్పదంటూ నలుగురు ఏపీ మంత్రులకు బెదిరింపు లేఖలు

ED Enters TTD Ghee Case: లడ్డూ కల్తీ కేసులో హవాలా లావాదేవీలు.. ఈడీ గుర్తింపు

పాకిస్తాన్‌ను అమెరికా తమ టాయిలెట్ పేపర్లా వాడుకుంది: పాక్ రక్షణ మంత్రి

అన్నీ చూడండి

లేటెస్ట్

08-02-2026 నుంచి 14-02-2026 వరకు మీ వార రాశి ఫలితాలు

ఆచార్య చాణక్య నీతి శాస్త్రం.. నిద్రపోయే ముందు ఏం చేయాలి.. నేటి తప్పులను?

07-02-2026 శనివారం ఫలితాలు- గ్రహస్థితి అనుకూలంగా లేదు.

06-02-2026 శుక్రవారం ఫలితాలు - భేషజాలకు పోవద్దు.. పెద్దల సలహా తీసుకోండి...

Mahashivratri 2026: మహా శివరాత్రి రోజున రాజయోగాలు.. ఆ మూడు రాశులకు అదృష్టం

తర్వాతి కథనం
Show comments