కవితకు ఎమ్మెల్సీ అవకాశం ఇచ్చినందుకు కృతజ్ఞతలు: సిక్కా చంద్ర శేఖర్

లండన్ : ముఖ్యమంత్రి కేసీఆర్ కుమార్తె కల్వకుంట్ల కవితకు ఎమ్మెల్సీ అభ్యర్థిగా అవకాశం ఇచ్చినందుకు ఎన్నారై తెరాస యూకే సలహా మండలి వైస్ చైర్మన్ సిక్కా చంద్ర శేఖర్ హర్షం వ్యక్తం చేశారు. ఈ సందర్భంగా ఆయన అభినందనలు తెలుపుతూ... ప్రజా నాయకురాలైన కవిత గారికి ఎమ్మెల్సీ అభ్యర్థిగా అవకాశమిచ్చిన తెరాస పార్టీ అధినేత కెసిఆర్ గారికి కృతఙ్ఞతలు తెలిపారు. 

తెలంగాణ ఉద్యమంలో ప్రాణాలు సైతం లెక్క చేయకుండా రాష్ట్ర ఏర్పాటు కోసం పోరాటం చేసి, ఎంపీగా రాష్ట్రానికే కాకుండా యావత్ దేశానికి సేవలందించారని, అటు జాగృతి అధ్యక్షురాలిగా - తెలంగాణ ఆడబిడ్డగా మన సంస్కృతి సంప్రదాయాలని విశ్వవ్యాప్తం చేసారని, ఇటువంటి గొప్ప నాయకురాలు అనునిత్యం ప్రజల్లో ఉండాలనే సంకల్పంతో కెసిఆర్ గారు వారికి ఎమ్మెల్సీగా అవకాశం ఇవ్వడంతో అటు క్షేత్రస్థాయిలోనే కాకుండా ఇటు ప్రపంచవ్యాప్తంగా ఉన్న కార్యకర్తల్లో ప్రజల్లో నూతన ఉత్సాహాన్ని నింపారని, ప్రవాసులందరి పక్షాన కృతఙ్ఞతలు తెలిపారు. నిజామాబాద్ స్థానిక సంస్థల ప్రజా ప్రతినిధులంతా బాధ్యతగా ఓటేసి కవిత గారిని గెలిపించాలని కోరారు.