వెబ్ సీరీస్ పిచ్చి , 75 మంది ప్రాణాలను కాపాడింది, ఎక్కడ, ఎలా?

సాధారణంగా కొందరు సినిమాలపై మోజు పెంచుకుంటూ అందులోనే నిమగ్నమై పోతుంటారు. దీనికోసం తమ సమయాన్ని లెక్క పెట్టకుండా కాలయాపన చేస్తుంటారు. కానీ ఇక్కడ ఓ వ్యక్తి వెబ్ సీరీస్ పైన పెంచుకున్న మోజు చివరికి 75 మంది ప్రాణాలను రక్షించింది. అసలు వెబ్ సీరీస్ వల్ల ప్రాణాలు కాపాడడం ఎలా అని కొందరు తికమకలవుతారు కానీ ఇది నిజమని నిరూపించాడు ఓ యువకుడు.

పూర్తి వివరాలు ఇలా వున్నాయి. మహారాష్ట్రలో దొంబివిలి, కాపర్ ఏరియాకు చెందిన కునాల్ అనే యువకుడికి వెబ్ సీరీస్ అంటే పిచ్చి. రాత్రింబవళ్లు లెక్క చెయ్యకుండా చూస్తుంటాడు. అతడు బుధవారం రాత్రి నుంచి ఉదయం నాలుగు గంటల వరకు చూస్తున్నాడు. ఈ క్రమంలో తానుండే రెండంతస్థుల భవనంలో ఓ భాగం కూలిపోవడం గమనించాడు.

దీంతో అప్రమత్తమై ఆ భవనంలో నిద్రిస్తున్న 75 మందిని లేపి అప్రమత్తం చేశాడు. అందరూ భయపడి పరుగులు పెడుతూ బయటికి వచ్చేశారు. చూస్తున్న సమయంలోనే ఆ భవనం కుప్ప కూలిపోయింది. కానీ శిథిలావస్థలో ఉన్న ఈ భవనాన్ని ఖాళీ చెయ్యమని అధికారులు తొమ్మిది నెలలకు ముందే నోటీసులు జారీ చేశారు. 75 మంది ప్రాణాలను రక్షించిన కునాల్‌ను అందరూ మెచ్చుకున్నారు.