మనం చేసే పనిపట్ల అంకితభావం, గౌరవం, ఇష్టం ఉంటే చాలు... ఉన్నత శిఖరాలకు చేరుకోవచ్చని ఇద్దరు ముంబై కుర్రాళ్లు నిరూపించారు. ఇపుడు సోషల్ మీడియాలో వీరిద్దరి గురించే జోరుగా ప్రచారం సాగుతోంది. ముంబైలోని లోఖండ్ వాలా వెనుక రోడ్డు వైపు వెళితే ఈ ఇద్దరు కుర్రోళ్లు కనిపిస్తారు. రోడ్డు పక్కనే ఆడి కారు, ఆ కారు డిక్కీలో సామాన్లు, దాని పక్కనే వేడివేడి ఛాయ్ సిద్ధం చేస్తుంటారు. చాయ్ అమ్మడం అయిపోయిన తర్వాత ఎంచక్కా ఆడికారులో వారు తిరిగి ఇంటికి వెళ్లిపోతారు.
పార్ట టైమ్ ఆదాయం కోసం ఈ కారు టీ షాపును ఎంచుకున్నారు. ఈ స్టాల్‌ను అమిత్ కశ్యప్, మను శర్మలు కలిసి నడుపుతున్నారు. ఆడి కారు ఉన్నప్పటికీ ఛాయ్ అమ్మడం ఏంటా అని కొందరు ఆశ్చర్యం వ్యక్తం చేస్తున్నారు. డబ్బున్నోళ్లు గరీబోళ్లు మాదిరిగా ఈ చాయ్ అమ్మడం ఏంటా అని ఒక నెటిజన్ ప్రశ్నించడం గమనార్హం. సిగ్గు పడకుండా సంపాదించాలి. దేనికీ లేటు లేకుండా గౌరవంగా జీవించాలి అన్న సందేశంలో ఈ కుర్ర వ్యాపారవేత్తలు ముందుకు సాగిపోతున్నారు.