మీకేం పనిలేదా? రజినీకాంత్ గురించి నన్నడుగుతారే? రాధిక ఫైర్
ఇప్పుడు తమిళనాడులో ఎక్కడ చూసినా తలైవా రజినీకాంత్ రాజకీయ రంగప్రవేశంపైనే తీవ్రస్థాయిలో చర్చ జరుగుతోంది. రజినీ రాజకీయాల్లోకి రావాలని అభిమానులే కాదు చాలామంది సహచర నటీనటులు కూడా కోరుకుంటున్నారు. తమిళనాడు హీరోయిన్ రాధిక కూడా రజినీకి అభిమానే. ఆమె పాపులర్ హీ
ఇప్పుడు తమిళనాడులో ఎక్కడ చూసినా తలైవా రజినీకాంత్ రాజకీయ రంగప్రవేశంపైనే తీవ్రస్థాయిలో చర్చ జరుగుతోంది. రజినీ రాజకీయాల్లోకి రావాలని అభిమానులే కాదు చాలామంది సహచర నటీనటులు కూడా కోరుకుంటున్నారు. తమిళనాడు హీరోయిన్ రాధిక కూడా రజినీకి అభిమానే. ఆమె పాపులర్ హీరోయిన్ అయినా తలైవాకు అభిమానే. అయితే గత నాలుగురోజుల నుంచి రజినీ అభిమానులతో సమావేశం అవుతుండటంతో కొంతమంది సినీప్రముఖులు, రాజకీయ ప్రముఖులతో తమిళ ఛానళ్ళు డిబేట్‌లను ప్రారంభించాయి.
డిబేట్‌లో ఇప్పటివరకు చాలామందే పాల్గొన్నారు. అయితే రాధికను డిబేట్‌కు ఒక ప్రముఖ ఛానల్ ఆహ్వానించిందట. అది కూడా రెండురోజులుగా అర్థరాత్రి, తెల్లవారుజామునే అలా వేళాపాళా లేని సమయంలో ఫోన్ చేసి విసిగించడం ప్రారంభించిందట. దీంతో రాధికకు చిర్రెత్తుకొచ్చింది. మీకేం పనిలేదా.. రజినీ రాజకీయాల్లోకి వస్తే నాకేంటి.. రాకుంటే నాకేంటి అని ప్రశ్నించిందట. తమిళనాడులో ఎన్నో సమస్యలు ఉన్నాయి. అనవసరంగా రజినీ విషయం పట్టుకుని ఎందుకు రాద్దాంతం చేస్తున్నారని మీడియా ప్రతినిధులపై చిందులు తొక్కిందట.