పంజాబ్ రాష్ట్రంలో ఓ వ్యక్తి కిరాతకుడిగా మారిపోయాడు. కట్టుకున్న భార్యను చితకబాది కుమార్తెపై అత్యాచారానికి పాల్పడ్డాడు. ఈ దారుణం పంజాబ్ రాష్ట్రంలో జరుగగా, తాజాగా వెలుగులోకి వచ్చింది. ఈ వివరాలను పరిశీలిస్తే, గుర్బచ్చన్ అనే వ్యక్తికి భార్య, ఒక కుమార్తె ఉన్నారు. మద్యానికి బానిస అయిన గుర్బచ్చన్ ప్రతిరోజూ ఇంటికి వచ్చి భార్యాకుమార్తెలను వేధించసాగాడు.
ఈ క్రమంలో మద్యం మత్తులో కుమార్తెపై కన్నేసిన కామాంధుడు... పలుమార్లు అత్యాచారయత్నానికి ప్రయత్నించగా, ఆ యువతి అతని కబంధ హస్తాల నుంచి తప్పించుకుంటూ వచ్చింది. అయితే, ఈసారి భార్యను తీవ్రంగా చితకబాది గదిలో నుంచి బయటకు పంపించి.. కుమార్తెను మాత్రం పడక గదిలోనే బంధించాడు.
ఆ తర్వాత తలకెక్కిన మద్యంమత్తులో ఆమెపై అత్యాచారానికి పాల్పడ్డాడు. అతని తప్పించుకునేందుకు ఆ యువతి ఆర్తనాదాలు చేసినా, కన్నతల్లి ఏం చేయలేక నిస్సహాయురాలిగా మిగిలిపోయింది. అయితే, ఆ యువతి కేకలు విన్న ఇరుగుపొరుగువారు గుమికూడారు. వారిలో ఒకరు పోలీసులకు సమాచారం ఇచ్చారు.
ఆ తర్వాత తలుపులు పగులగొట్టి యువతిని రక్షించి, గుర్‌బచ్చన్‌ను పట్టుకుని చితకబాదారు. ఇంతలో పోలీసులు రావడంతో వారికి అప్పగించారు. ఆ తర్వాత బాధిత బాలికను చికిత్స నిమిత్తం సమీప ఆస్పత్రికి తరలించారు. తన భర్తపై కఠిన చర్యలు తీసుకోవాలని భార్య పోలీసులను డిమాండ్‌ చేసింది. ఇలాంటి భర్తతో తాను ఉండలేనని, వితంతువుగా ఉండడం ఉత్తమమని ఆమె బోరున విలపిస్తూ పోలీసులకు ఫిర్యాదు చేసింది.