రాత్రిపూట విధులు నిర్వహిస్తున్న ఎంబీబీఎస్ విద్యార్థిని పట్ల ఓ డ్యూటీ డాక్టర్ అసభ్యంగా ప్రవర్తించాడు. అర్థరాత్రి పార్కుకు తీసుకెళ్లి మద్యం సేవించి పిరుదులు నొక్కుతూ అసభ్యంగా ప్రవర్తించాడు. దీనిపై బాధిత విద్యార్థిని పోలీసులకు ఫిర్యాదు చేయడంతో ఆ డాక్టర్‌ను పోలీసులు అరెస్టు చేశారు. ఈ ఘటన నవీ ముంబైలో జరిగింది.
తాజాగా వెలుగులోకి వచ్చిన ఈ వివరాలను పరిశీలిస్తే, అనురాగ్ నలావ్డే అనే 32 యేళ్ళ వైద్యుడు వషీలోని నవీ ముంబై మున్సిపల్ కార్పొరేషన్ ఆస్పత్రిలో డ్యూటీ డాక్టర్‌గా పని చేస్తున్నాడు. ఇదే ఆస్పత్రిలో ఇంటర్న్‌షిప్ కోసం 25 యేళ్ళ ఎంబీబీసీఎస్ విద్యార్థిని మే 17వ తేదీన చేసింది. ఈమె రాత్రిపగలు విధులు నిర్వహిస్తూ వచ్చింది. పైగా, ఇంటర్న్‌షిప్ కూడా అనురాగ్ వద్దే చేయాల్సిన పరిస్థితి ఏర్పడింది.
ఈ క్రమంలో ఆ యువతిపై కన్నేసిన డ్యూటీ డాక్టర్... రిలాక్స్ కోసమంటూ మంగళవారం రాత్రి అర్థరాత్రి 12.45 గంటల సమయంలో ఆస్పత్రికి సమీపంలో ఉన్న పార్కు వద్దకు తీసుకెళ్లాడు. అక్కడ ఆ విదార్థినితో బీరు తాగించేందుకు ప్రయత్నించగా, ఆమె నిరాకరించింది. దీంతో అతను మాత్రం బీరు సేవించి.. ఆ తర్వాత ఆమె పట్ల అసభ్యంగా ప్రవర్తించాడు. పిరుదులను నొక్కుతూ ఆమెను హగ్ చేసుకునేందుకు ప్రయత్నించాడు.
డాక్టర్ వాలకాన్ని గ్రహించిన ఆ విద్యార్థిని నేరుగా ఆస్పత్రికి వచ్చి, మరుసటి రోజు ఉదయం పోలీసులకు ఫిర్యాదు చేసింది. దీంతో పోలీసులు అతనిపై వివిధ సెక్షన్ల కింద కేసు నమోదు చేసి అరెస్టు చేశారు.